Ułady pradali kanfiskavanuju kvateru hrodzienskaha žurnalista i pravaabaroncy Uładzimira Chilmanoviča
Na aŭkcyjon zajaviłasia ažno dzieviać achvotnych kupić niezakonna kanfiskavanuju majomaść, staŭki padymali 57 razoŭ.
30 červienia z druhoj sproby na aŭkcyjonie ŭłady pradali kvateru zasudžanaha zavočna žurnalista i pravaabaroncy Uładzimira Chilmanoviča, piša «Haradzienskaja pravaabarona».
Startavaja cana na dvuchpakajovuju kvateru była 100 800 rubloŭ. U vyniku aŭkcyjonu (staŭki padymali 57 razoŭ) jaje pradali za 136 584 rubloŭ.
Jašče raniej ułady pradali ŭsiu bytavuju techniku siamji, a taksama lecišča pravaabaronca ŭ Mastoŭskim rajonie.
19 žniŭnia 2024 hodu Haradzienski abłasny sud zavočna pryznačyŭ Chilmanoviču pazbaŭleńnie voli terminam na 5 hadoŭ u papraŭčaj kałonii va ŭmovach uzmocnienaha režymu i vializny štraf — 40 tysiač rubloŭ.
25 kastryčnika taho ž hodu Viarchoŭny sud pradkazalna nie zadavoliŭ apielacyjnuju skarhu publicysta i pravaabaronca. Paśla čaho prysud uvajšoŭ u siłu.
Kamientary