Улады прадалі канфіскаваную кватэру гродзенскага журналіста і праваабаронцы Уладзіміра Хільмановіча
На аўкцыён заявілася ажно дзевяць ахвотных купіць незаконна канфіскаваную маёмасць, стаўкі падымалі 57 разоў.
30 чэрвеня з другой спробы на аўкцыёне ўлады прадалі кватэру засуджанага завочна журналіста і праваабаронцы Уладзіміра Хільмановіча, піша «Гарадзенская праваабарона».
Стартавая цана на двухпакаёвую кватэру была 100 800 рублёў. У выніку аўкцыёну (стаўкі падымалі 57 разоў) яе прадалі за 136 584 рублёў.
Яшчэ раней улады прадалі ўсю бытавую тэхніку сям’і, а таксама лецішча праваабаронца ў Мастоўскім раёне.
19 жніўня 2024 году Гарадзенскі абласны суд завочна прызначыў Хільмановічу пазбаўленне волі тэрмінам на 5 гадоў у папраўчай калоніі ва ўмовах узмоцненага рэжыму і вялізны штраф — 40 тысяч рублёў.
25 кастрычніка таго ж году Вярхоўны суд прадказальна не задаволіў апеляцыйную скаргу публіцыста і праваабаронца. Пасля чаго прысуд увайшоў у сілу.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары