«Hazpromu» nie daviadziecca prymianiać sankcyi da Biełarusi
spadziajecca Minenierha Rasii. «Dy što vy pieražyvajecie, jany voźmuć i zapłaciać. Usio daviedajeciesia 21 červienia»
Ministerstva enierhietyki Rasii spadziajecca, što «Hazpromu» nie daviadziecca prymianiać sankcyi da Biełarusi. Pra heta žurnalistam zajaviŭ ministr enierhietyki Siarhiej Šmatko 17 červienia ŭ ramkach mižnarodnaha ekanamičnaha forumu ŭ Sankt‑Pieciarburhu.
«Ja vykazvaju svoj aptymistyčny punkt hledžańnia pra toje, što biełaruskija kalehi zmohuć vykanać svaje kantraktnyja abaviazacielstvy i raźličycca z «Hazpromam». I nie budzie nijakaj nieabchodnaści ŭ prymianieńni praduhledžanych kantraktam sankcyj z boku «Hazproma», — cytuje Šmatko RIA Novosti.
Pavodle jaho słoŭ, u vypadku pryniaćcia rašeńnia ab abmiežavańni pastavak hazu ŭ Biełaruś rasijski bok budzie zychodzić z taho, što treba zabiaśpiečyć usiu nieabchodnuju žyćciadziejnaść pramysłovych abjektaŭ.
U svaju čarhu namieśnik kiraŭnika «Hazproma» Valeryj Hołubieŭ zajaviŭ žurnalistam, što Biełaruś abiacaje raźličycca z daŭhami za pastaŭki rasijskaha hazu. «Kožny dzień abiacajuć zapłacić», — abviaściŭ namiery biełaruskaha boku Hołubieŭ. Jon nie nazvaŭ mahčymy abjom skaračeńnia pastavak hazu ŭ vypadku niepahašeńnia daŭhoŭ.
«Dy što vy pieražyvajecie, jany voźmuć i zapłaciać. Usio daviedajeciesia 21 červienia», — dadaŭ Hołubieŭ.
Jak paviedamlałasia raniej, 16 červienia «Hazprom» papiaredziŭ biełaruski bok, što ŭ vypadku kali situacyja z doŭham nie budzie ŭrehulavana da 21 červienia, pastaŭki hazu ŭ krainu mohuć być abmiežavany.
Pavodle źviestak «Hazproma», doŭh «Biełtranshaza» za impartavany rasijski haz na 1 maja składaŭ 192 młn. dalaraŭ. Heta stała śledstvam apłaty hazu pa bolš nizkaj, čym praduhledžana kantraktam, canie. Tak, košt tysiačy kubamietraŭ hazu składaje 169 dalaraŭ, adnak Biełaruś raźličvajecca za haz pa letašniaj canie — 150 dalaraŭ.
Razam z tym, biełaruski bok pryvodzić inšyja źviestki. Pavodle infarmacyi Biełstata, siaredniaja cana impartu 1 tys. kub. m hazu ŭ studzieni—krasaviku skłała 174 dalary. Zapazyčanaść za haz na 1 maja skłała 392,8 młrd. rubloŭ, ci pryblizna 130 młn. dalaraŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary