Na Barysaŭščynie 79‑hadovaja piensijanierka sprabavała spalić dom z unukam i jaho dziaŭčynaj
Babula ličyła dziaŭčynu kiepskaj paraj dla ŭnuka.
U vioscy Kimija Barysaŭskaha rajona 79‑hadovaja žančyna ździejśniła sprobu padpału doma — joj nie padabaŭsia vybar unuka, piša «Minskaja praŭda».
Pa infarmacyi SK, u noč na 28 lipienia pažyłaja žančyna, niezadavolenaja ramanam svajho ŭnuka ź miascovaj žycharkaj, pryjšła da doma dziaŭčyny i palenam raźbiła šybu. Tady jaje supakoiła susiedka, i piensijanierka syšła.
Adnak paźniej, kali maładyja ludzi viarnulisia i hladzieli televizar, babula pryjšła znoŭ, abliła pamiaškańnie praz raźbitaje akno haručaj vadkaściu i padpaliła.
Dom z maładymi ludźmi nie zhareŭ, bo chłopiec ź dziaŭčynaj jašče nie spali i zdoleli chutka patušyć ahoń.
Žančyna zatrymanaja i nie adprečvaje svajoj viny.
Akazałasia, što raniej jana ŭžo mieła sudzimaść za padpał.
Suprać piensijanierki raspačata kryminalnaja sprava za zamach na naŭmysnaje źniščeńnie majomaści, joj pahražaje da 10 hadoŭ pazbaŭleńnia voli.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary