Knižny markiet pamiaci Śviatłany Kurs projdzie ŭ Varšavie 9 žniŭnia
U kirmašy voźmie ŭdzieł niekalki vydaviectvaŭ.
9 žniŭnia ŭ Varšavie projdzie knižny markiet, pryśviečany pamiaci piśmieńnicy i žurnalistki Śviatłany Kurs. Heta padzieja musić stać praciaham jaje słoŭ pra «zapas dobrych pieražyvańniaŭ i śviatło aptymizmu», piša Reform.news.
Niekalki miesiacaŭ tamu Śviatłana Kurs napisała hetyja słovy ŭ sacsietkach: «Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ i śviatło vašaha aptymizmu». Kamanda prajekta prapanuje sabracca razam, kab dobra pabavić čas i padtrymać biełaruskuju kulturu.
U kirmašy prymuć udzieł vydaviectvy: «Połackija łabirynty», «Mianie Niama», Kamunikat, Magenta, Bukinist:ka Press, RozUM Media, Kirma.sh, «AČK-Biełaruś». Taksama možna budzie nabyć knihi vydaviectvaŭ «Pflaŭmbaŭm» i Gutenberg Publisher.
Častku vyručki ad markieta vydaviectvy nakirujuć siamji Śviatłany Kurs, a taksama na Premiju jaje imia, pra jakuju arhanizatary abjaviać napiaredadni padziei.
Ideju zasnavańnia premii Jevy Viežnaviec padtrymali blizkija piśmieńnicy i Nobieleŭskaja łaŭreatka Śviatłana Aleksijevič. Taksama na miescy možna budzie zrabić achviaravańnie.
U prahramie markietu i vystup kulturołaha i krytyka Maksima Žbankova «ŠokinhKult live!». Tvorca pačytaje novyja teksty pad akustyčny psichadeł.
Čas i miesca padziei: 9 žniŭnia, 15:30— 20.00; Varšava, Karma Crew (Al. 3 Maja 15).
Syn i muž Śviatłany Kurs raskazali pra jaje apošnija dni
U Varšavie raźvitalisia ź piśmieńnicaj Śviatłanaj Kurs
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary