Kamandujučy VPS: Kolkaść zamiežnych vojskaŭ la miežaŭ Biełarusi źmienšyłasia, z krainami NATA idzie ŭzajemadziejańnie
Kamandujučy Vajskova-pavietranymi siłami i vojskami supraćpavietranaj abarony Uzbrojenych sił Biełarusi Andrej Łukjanovič zajaviŭ ab źnižeńni kolkaści zamiežnych vojskaŭ i avijacyi la zachodnich miežaŭ krainy. Taksama jon paćvierdziŭ najaŭnaść pastajannaha ŭzajemadziejańnia z Polščaj, Litvoj i Łatvijaj pa pytańniach palotaŭ u prymiežnaj pałasie.
U efiry dziaržaŭnaha telekanała STB Andrej Łukjanovič acharaktaryzavaŭ biahučuju vajennuju abstanoŭku vakoł Biełarusi jak stabilnuju. Pavodle jaho słoŭ, biełaruskija vajskoŭcy fiksujuć spad vajennaj aktyŭnaści z boku susiednich dziaržaŭ.
«My realna nazirajem, što značnaja kolkaść kantynhientaŭ, jak pavietranych (kolkaść samalotaŭ uzdoŭž našych zachodnich miežaŭ), tak i suchaputnych, źmienšyłasia. My vykonvajem zadačy pa bajavym dziažurstvie, heta značyć kruhłasutačna kantralujem pavietranuju prastoru i fiksujem značnaje źnižeńnie kolkaści palotaŭ jak bajavoj avijacyi, tak i raźviedvalnaj uzdoŭž našych miežaŭ. Možam z upeŭnienaściu skazać, što abstanoŭka ŭ sapraŭdny momant stabilnaja, pahroz niama», — pryvodzić słovy kamandujučaha hazieta «SB. Biełaruś siehodnia».
Razam z tym kamandujučy paćvierdziŭ, što pamiž vajennymi viedamstvami zachoŭvajucca pracoŭnyja kantakty dla praduchileńnia incydentaŭ u pavietry. Abmien infarmacyjaj pa linii apieratyŭnych słužbaŭ idzie z usimi tryma zachodnimi susiedziami Biełarusi.
«U nas pa apieratyŭnaj słužbie majecca pastajannaje ŭzajemadziejańnie z Respublikaj Polšča, Litvoj i Łatvijaj. My rehularna ich apaviaščajem ab palotach, i jany nas papiaredžvajuć ab palotach u prymiežnaj pałasie.
Adsutničała ŭzajemadziejańnie tolki z Łatvijaj, ale apošnim časam adnavili dyjałoh pa apieratyŭnaj słužbie», — zajaviŭ Andrej Łukjanovič.
Kamientary