Ministerstva antymanapolnaha rehulavańnia i handlu Biełarusi pravieryła 12 z 16 kramaŭ rasijskaj sietki elektroniki DNS — i parušeńni znajšli ŭ kožnaj ź ich. Siarod asnoŭnych pretenzij — adsutnaść abo niapoŭnaja infarmacyja pra tavary, adsutnaść ceńnikaŭ i nievykanańnie abaviazkovaha asartymientu.
Pa vynikach pravierki Minhandlu vydała šeść rekamiendacyj i piać pradpisańniaŭ ab zabaronie prodažu tavaraŭ sa skončanym terminam prydatnaści. U pryvatnaści, havorka idzie pra kartrydžy i čornaje čarniła. Akramia taho, u kramach znajšli tavary bieź nieabchodnych siertyfikataŭ adpaviednaści — siarod ich chaładzilniki, pralnyja mašyny i marazilniki. Infarmacyju pra heta ministerstva nakiruje ŭ Dziaržstandart.
Za studzień—žnivień 2026 hoda Minhandlu pravieryła bolš za 3,7 tysiačy handlovych abjektaŭ. U vyniku było vydadziena bolš za 1,6 tysiačy rekamiendacyj i 480 pradpisańniaŭ ab zabaronie realizacyi tavaraŭ. Ahulnaja suma štrafaŭ u śfiery handlu pieravysiła 105,8 tysiačy rubloŭ.
U spravie kantrolu za cenami parušeńni znajšli bolš čym u 220 subjektaŭ haspadarańnia. Im vydali 112 pradpisańniaŭ ab likvidacyi parušeńniaŭ. Suma štrafaŭ skłała bolš za 235,6 tysiačy rubloŭ.
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja12
Kamientary