Zajava Trampa ab pierajmienavańni štučnaha intelektu vyklikała bum internet-damienaŭ u Słavienii
Prapanova Donalda Trampa zamianić termin «štučny intelekt» na «supierintelekt» pryviała da rekordnaha ŭsplosku cikavaści da nacyjanalnaj damiennaj zony Słavienii — «.si». Jak piša vydańnie Foreign Policy, za ličanyja dni kraina atrymała tysiačy novych zajavak na rehistracyju veb-adrasoŭ.
Padčas svajho vystupu na Hienieralnaj Asamblei AAN prezident ZŠA zajaviŭ, što va ŭsich aficyjnych amierykanskich dakumientach technałohiju varta pierajmienavać u «supieryntelekt» (Super Intelligence, abo skaročana — SI). Pavodle słoŭ Trampa, słova «štučny» hučyć falšyva, u toj čas jak novaja nazva hučyć bolš dakładna i pierakanaŭča.
Hetaja zajava imhnienna adbiłasia na internet-prastory Słavienii — krainy, adkul rodam žonka palityka Miełanija Tramp. Mienavita za hetaj nievialikaj jeŭrapiejskaj dziaržavaj z nasielnictvam 2,1 miljona čałaviek zamacavany nacyjanalny damien pieršaha ŭzroŭniu «.si».
Kali zvyčajna miascovy rehistratar fiksavaŭ kala tysiačy novych zajavak na miesiac, to adrazu paśla pramovy Trampa situacyja rezka źmianiłasia. U pieršy ž dzień było zarehistravana bolš za 2000 novych adrasoŭ, a na nastupny jašče zvyš 4000. Takim čynam, ahulnaja kolkaść słavienskich damienaŭ upieršyniu ŭ historyi pierasiahnuła adznaku 200 tysiač, a vieraśniovy pakazčyk pieravysiŭ 10 tysiač rehistracyj.
Kamiercyjnyja chostynh-pravajdery chutka zreahavali na novy trend. Litoŭskaja kampanija Hostinger pačała prasoŭvać damieny.si sa słohanam: «AI ciapier nazyvajecca supieryntelektam. Zarehistruj svoj damien.si». Pieršy hod karystańnia takim adrasam kampanija prapanuje za $11,99, nastupnyja — za $16,99.
Hetaja situacyja nahadvaje historyju brytanskaj zamorskaj terytoryi Anhilja, jakaja vałodaje damienam «.ai». Paśla vybuchovaha rostu papularnaści ChatGPT u 2022 hodzie maleńkaja vyspa zarabiła na prodažy svaich adrasoŭ technałahičnym kampanijam kala 32 miljonaŭ dalaraŭ za hod, što skłała bolš za 20% usich dachodaŭ jaje biudžetu za hod.
Ci atrymajecca ŭ Słavienii paŭtaryć taki pośpiech, pakul niezrazumieła. ARNES, jakaja kiruje nacyjanalnym damienam, biare z rehistrataraŭ pa 10 jeŭra za kožny zarehistravany adras. Tamu ŭ Register.si padkreślivajuć, što razmovy pra «miljonnyja zarobki Słavienii» na novym ažyjatažy nie majuć realnych padstaŭ. Pry hetym uładalnikam handlovych marak, słohanaŭ i kampanij, jakija jašče nie majuć adpaviednaha adrasa ŭ zonie.si, tam rajać zarehistravać jaho jak maha chutčej.
Tramp zajaviŭ, što ŭ ZŠA stvorać «Siły ŠI» i pryznačać adkaznaha za raźvićcio štučnaha intelektu
Tramp zajaviŭ, što Miesiac naležyć ZŠA
Paśla sustrečy ź Cichanoŭskaj premjer Słavienii zhadaŭ Biełaruś z trybuny Hienasamblei AAN
«My apiaredžvajem Kitaj». Tramp vystupiŭ suprać zapavoleńnia raspracoŭki štučnaha intelektu
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła2
Kamientary