Ukrainski bieśpiłotnik dasiahnuŭ paŭnočnaha pramysłovaha vuzła ŭ Omsku, dzie znachodzicca naftapierapracoŭčy zavod. Pra heta paviedamiŭ u svaim telehram-kanale hubiernatar Omskaj vobłaści Vital Chacenka. Paśpiachovaść udaru paćvierdziŭ i ŭkrainski Hienštab.
Pra bieśpiłotnuju niebiaśpieku ŭ rehijonie omski hubiernatar paviedamiŭ u 10:58 pa maskoŭskim časie, a infarmacyja pra toje, što adzin ź bieśpiłotnikaŭ dasiahnuŭ pramysłovaj zony, źjaviłasia prykładna praź piać z pałovaj hadzin.
Jak śćviardžaje Vital Chacenka, rasijskaja supraćpavietranaja abarona źbiła bolšuju častku bieśpiłotnikaŭ, jakija atakavali vobłaść, ale adzin ź ich usio ž dasiahnuŭ paŭnočnaha pramysłovaha vuzła. Na miescy pracavali apieratyŭnyja słužby.
Paśla abviaščeńnia bieśpiłotnaj niebiaśpieki aeraport Omska časova spyniŭ pryjom i vypusk samalotaŭ, kab harantavać biaśpieku palotaŭ.
Žychary Levaha bieraha, Naftavikoŭ i inšych rajonaŭ horada raskazali, što čuli ad adnaho da šaści vybuchaŭ. Adzin z žycharoŭ paviedamiŭ, što za 20 chvilin pačuŭ dva vybuchi, ad jakich navat zdryhanuŭsia dom.
U 16:52 pa maskoŭskim časie Chacenka abviaściŭ pra admienu režymu bieśpiłotnaj niebiaśpieki. Jon zaklikaŭ žycharoŭ nie stvarać ažyjatažu na zapraŭkach i zachoŭvać spakoj.
Omski NPZ źjaŭlajecca samym mahutnym naftapierapracoŭčym pradpryjemstvam u Rasii. Jon zdolny pierapracoŭvać bolš za 21 miljon ton nafty ŭ hod. Zavod vypuskaje šyroki asartymient paliva, zmazačnych materyjałaŭ i naftachimičnaj pradukcyi.
Tramp: U roście cen na bienzin vinavatyja Ukraina i amierykanskija demakraty
U Vałhahradzie ŭnačy prahučali vybuchi: imavierna, harać NPZ i chimzavod «Kaŭstyk»
Tramp zajaviŭ, što paprasiŭ Zialenskaha źmienšyć ataki na NPZ u Rasii
U Piermi pad udar trapiŭ pramysłovy abjekt, va Uljanaŭsku paškodžana pramysłovaja i cyvilnaja infrastruktura
Indyja rychtujecca ŭdvaja skaracić zakupki rasijskaj nafty praź piakielnyja sankcyi ZŠA
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu2
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary