«Da novaj sustrečy, naš miły chłopčyk. My budziem lubić ciabie viečna». Sindzi Kroŭfard upieršyniu vykazałasia pra śmierć syna
Supiermadel Sindzi Kroŭfard upieršyniu publična vykazałasia pra śmierć svajho syna Preśli Hierbiera.
27‑hadovy Hierbier pamior 20 vieraśnia ŭ reabilitacyjnym centry ŭ Kalifornii, piša Bi-bi-si.
«Jon — miłaja, cudoŭnaja duša, jakaja lubiła i jakuju lubiać — ciapier i nazaŭždy», — napisała Sindzi Kroŭfard u Instagram, apublikavaŭšy čorna-bieły zdymak syna.
«My tak hanarymsia tym, jak jon pražyŭ svajo žyćcio, — z dabrynioj i adkrytaściu».
Hierbier pamior 20 vieraśnia ŭ reabilitacyjnym centry ŭ Kalifornii. Palicyja paviedamiła, što ŭ jakaści mahčymaj pryčyny śmierci rasśledujecca pieradaziroŭka.
Hierbier byŭ madellu, jak i jaho maci, a taksama małodšaja siastra Kaja. Jaho debiut na podyumie adbyŭsia va ŭzroście 16 hadoŭ, kali jon uziaŭ udzieł u pakazie italjanskaha brenda Moschino. Jon zdymaŭsia ŭ rekłamie Calvin Klein i Dolce & Gabbana, a ŭ 2018 hodzie razam z maci źjaviŭsia ŭ rekłamnym roliku Pepsi. Jaho baćka Rendzi Hierbier — biznesmien, jaki razam z Džordžam Kłuni staŭ suzasnavalnikam brenda tekiły Casamigos.
«My ščaślivyja, što Preśli byŭ u našym žyćci na praciahu 27 hadoŭ, — napisała Kroŭfard. — My ŭdziačnyja za vializnuju luboŭ i padtrymku z boku takoj kolkaści ludziej, jakija viedajuć i lubiać našu siamju, a taksama nieznajomych ludziej, jakija padzialajuć naš bol».
«Da novaj sustrečy, naš miły chłopčyk. My budziem lubić ciabie viečna— mama, tata i Kaja», — dadała jana ŭ zaviaršeńnie.
Siastra Hierbiera, Kaja, u niadzielu taksama pryśviaciła jamu publikacyju. Jana vykłała videa, na jakim jany z bratam jašče dziećmi tančać razam, fatahrafiju, dzie jany stajać kala akijana, a taksama čatyrochstaronkavy list.
«Ja vučusia lubić ciabie, kali nie mahu ciabie bačyć. Vučusia razmaŭlać z taboj, nie chapajučysia za telefon, kab patelefanavać. Vučusia być tvajoj siastroj u śviecie, dzie ja nie mahu da ciabie dastukacca», — napisała jana.
Sudova-miedycynskaja ekśpiertyza akruhi Łos-Andželes kłasifikuje spravu Hierbiera jak takuju, što patrabuje dadatkovaha rasśledavańnia. U toj ža čas palicejskaje ŭpraŭleńnie horada Santa-Monika zajaviła, što niama nijakich prykmiet taho, što śmierć nastupiła ŭ vyniku złačynnych dziejańniaŭ.
U apošnija hady Hierbier adkryta raskazvaŭ pra svaje prablemy ź psichičnym zdaroŭjem i ŭžyvańnie narkotykaŭ, a taksama publikavaŭ u Instagram videa, jakija nazyvaŭ «Paniadziełki psichičnaha zdaroŭja» (Mental Health Mondays).
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ75
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary