500 rakiet Patriot Ukraina moža pačać atrymlivać ad ZŠA tolki praz 4 hady
Ukraina atrymaje 500 rakiet-pierachopnikaŭ PAC-3 dla zienitnych rakietnych kompleksaŭ Patriot, mahčymy prodaž jakich Dziarždepartamient ZŠA ŭchvaliŭ 30 kastryčnika 2026 hoda, u pieryjad z čaćviortaha kvartała 2030‑ha da čaćviortaha kvartała 2033 hoda. Pra heta vydańniu «Jeŭrapiejskaja praŭda» na ŭmovach ananimnaści paviedamiŭ pradstaŭnik amierykanskaha Dziarždepartamienta.
Takim čynam, pieršyja rakiety ŭ miežach hetaj damoŭlenaści Ukraina zmoža atrymać nie raniej za čaćviorty kvartał 2030 hoda.
U Dziarždepartamiencie patłumačyli, što zaklučyć pahadnieńnie ab zakupcy PAC-3 možna budzie paśla ŭzhadnieńnia ździełki ŭ Kanhresie ZŠA. Na razhlad advodzicca 30 dzion. Paśla zakančeńnia hetaha terminu baki zmohuć padpisać adpaviedny List-prapanovu i pryniaćcie (Letter of Offer and Acceptance, LOA), jaki afarmlaje prodaž amierykanskaha ŭzbrajeńnia zamiežnym dziaržavam.
30 kastryčnika Dziarždepartamient ZŠA ŭchvaliŭ mahčymuju ździełku pa prodažy Ukrainie rakiet PAC-3 dla sistem Patriot. Zakupku płanujuć finansavać mižnarodnyja partniory, u tym liku Kanada, Hiermanija i Narviehija, praz amierykanskuju prahramu JUMPSTART. Taksama buduć vykarystanyja nacyjanalnyja srodki, praduhledžanyja ŭ miežach 90‑miljardnaha kredytu Jeŭrasajuza dla Ukrainy — Ukraine Support Loan.
Ciapier Ukraina viadzie pieramovy z partniorami, kab niekatoryja krainy sastupili joj svaju čarhu na zakupku rakiet PAC-3 u amierykanskaj kampanii Lockheed Martin. Heta dazvoliła b ukrainskaj armii atrymać pierachopniki raniej za vyznačanyja terminy.
Akramia taho, abmiarkoŭvajecca mahčymaść pieradačy Ukrainie rakiet ź ciapierašnich zapasaŭ krain-sajuźnic, najpierš dziaržaŭ Jeŭrasajuza. Uzamien hetyja krainy mahli b atrymać novyja rakiety paśla 2030 hoda.
Raniej prezident Ukrainy Uładzimir Zialenski zajaviŭ, što ŭ 2026 hodzie Ukraina atrymlivaje ŭ siarednim tolki 12 rakiet dla sistem Patriot u miesiac.
U ZŠA ŭchvalili prodaž Ukrainie 500 rakiet Patriot
Zialenski: Ukraina hatovaja prypynić udary pa rasijskich NPZ, ale jość umova
Rasija ŭdaryła pa enierhietycy — tysiačy siemjaŭ zastalisia bieź śviatła
Kijeŭ adnaviŭ intensiŭnyja ŭdary pa rasijskich NPZ paśla taho, jak Vašynhton praihnaravaŭ jaho patrabavańni
Rubia dapuściŭ, što ZŠA zatrymlivajuć pieradaču Ukrainie kuplenych Jeŭropaj rakiet-pierachopnikaŭ
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»28
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2121
Kamientary
Dumaješ, pry demakratach budzie chutčej?
Kudy jak naadvarot, jany buduć skakać pamiž papulisckimi abiacankami narodu i patrebami dziaržavy, i heta jašče dalej adkładziecca. Respublikancy zvyčajna adsypajuć VPK biez usialakich aŭdytaŭ dy biudžetnych hulniaŭ kolki paprosiać.
Sprava ŭ tym, što ZŠA nia ŭ stanie absłuhoŭvać USICH svaich partnioraŭ - jeŭrapiejskich, azijackich, arabskich... I avijacyjnyja, i rakietnyja, i lubyja kantrakty raściahvajucca z zatrymkami na hady. Bo amierykanskaja pramysłovaść usio słabiejšaja, chutka budzie ledźvie patreby ŭłasnaj armii zakryvać.
I Ukrainie treba vyprasić celnyja čerhi klijentaŭ amierykanskich kampanij, jakija taksama čakajuć pa 4-5 hod.