Va Ukrainie paranienaha bajca ŭpieršyniu evakujavali ź pieradavoj pavietranym dronam VIDEA
Ukrainskija vajskoŭcy paviedamili pra paśpiachovuju evakuacyju paranienaha piechacinca ciažkim dronam-bambardziroŭščykam. Naziemnaja evakuacyja była niemahčymaja praź miny i aktyŭnaść rasijskich bieśpiłotnikaŭ. Apieracyja stała pieršaj evakuacyjaj ź linii frontu pavietranym dronam.
Paranieny vajskoviec 30‑j asobnaj miechanizavanaj bryhady zastavaŭsia na pazicyi, adkul jaho nie mahli vyvieźci navat naziemnym robatam. Tady śpiecyjalisty roty bieśpiłotnych naziemnych sistem 92‑j asobnaj šturmavoj bryhady prapanavali zabrać bajca pa pavietry.
Dla hetaha vykarystali ciažki hieksakoptar — dron z šaściu rotarami — ukrainskaj kampanii Gurzuf Defence. Vytvorca pieradaŭ aparat dla apieracyi i dapamoh prystasavać jaho da pieravozki čałavieka.
HISTORIC FIRST: Ukrainian forces completed the first-ever aerial evacuation of an injured soldier from the frontline using a drone.
Soldiers from the 92nd Assault Brigade and 30th Mechanized Brigade used a heavy Gurzuf Defence hexacopter to rescue the wounded infantryman from a heavily mined area.
Pavodle ŭdzielnikaŭ misii, hałoŭnaj techničnaj zadačaj było zabiaśpiečyć ustojlivaść drona: jon pavinien byŭ nieści paranienaha, nie pierakulvajučysia i biez praźmiernaha razhojdvańnia. Pierad evakuacyjaj śpiecyjalisty razam z vytvorcam praviali vyprabavańni i ŭzhadnili płan ź inšymi padraździaleńniami.
Padčas samoj apieracyi dronam kiravaŭ apieratar 30‑j miechanizavanaj bryhady. Paranienaha ŭdałosia vyvieźci i pieradać na lačeńnie. Pra jaho stan vajskoŭcy paviedamili: «Ciapier jon prachodzić lačeńnie i reabilitacyju, jaho žyćciu ŭžo ničoha nie pahražaje».
Udzielniki apieracyi adznačajuć, što taki sposab moža pašyryć mahčymaści vyratavańnia paranienych tam, dzie šlach pa ziamli pierakryvajuć miny i varožyja drony.
Ciapier čytajuć
Śćviardžajecca, što kiraŭnik Butikavto Ivan Labiejka ŭžo na svabodzie1
Kamientary