Pramyja paloty ź Minska na trapičny vostraŭ u Indyjskim akijanie pačnucca 27 kastryčnika.
Samaloty buduć prylatać u aeraport Matała na paŭdniovym uschodzie Šry-Łanki. Najbližejšy da jaho bujny horad — Chambantota.
Rejsy buduć vykonvacca raz na tydzień, pa aŭtorkach. Samalot Airbus A 330‑200 budzie vylatać ź Minska ŭ 00:50. Praciahłaść palotu składzie kala dzieviaci z pałovaj hadzin. Pasažyram buduć dastupnyja miescy ekanom– i biznes-kłasa.
U Respublikanskim sajuzie turystyčnych arhanizacyj nahadali, što dla ŭjezdu na Šry-Łanku nieabchodna zahadzia aformić elektronny dazvoł. Dla hramadzian Biełarusi, jakija płanujuć znachodzicca na vostravie da 30 dzion, jon biaspłatny.
Šry-Łanka padychodzić dla tych, chto choča adpačyć udalečyni ad šumnych haradoŭ, bližej da mora i pryrody. Siarod mahčymych zabaŭ — barbiekiu na marskim uźbiarežžy, rybałka i dajvinh. Taksama turysty mohuć ubačyć słanoŭ u naturalnym asiarodździ. Na vostravie jość i plažy, prydatnyja dla plažnaha adpačynku.
Kamientary