Na miescy niekali płanavanaha HZC «Trajpła» budujuć try šmatpaviarchoviki
Na vyjeździe ź Minska, na miescy kolišniaha kamiercyjnaha daŭhabudu na vulicy Kursanta Hvišyjani, jaki tak i nie byŭ skončany, vielmi žvava ruchajecca budaŭnictva troch žyłych damoŭ na 396 kvater. Pra značny prahres na placoŭcy paviedamlaje telehram-kanał «Minskbuda», zaŭvažyŭ Realt.by.
Novaje budaŭnictva, jakoje viadzie MAPID, raźmiaściłasia pobač z ŽK «Marmieład». Raniej na hetym miescy znachodziŭsia niedabudavany kamiercyjny abjekt. Kampanija «Trajpł» chacieła ŭźvieści tut handlova-zabaŭlalny kompleks, adnak sa svaimi abaviazkami jana nie spraviłasia. U 2024 hodzie niaździejśnieny HZC źnieśli.
Zakazčykam uźviadzieńnia žyłych damoŭ pobač z praśpiektam Niezaležnaści vystupaje UKB Zavodskaha rajona. Tut rastuć adrazu try 19‑paviarchovyja panelnyja słupki. U kožnym domie budzie 132 kvatery i dva lifty. Usie kvatery ŭ šmatpaviarchovikach užo prapanavali čarhavikam pa adpaviednych napramkach. Žyllo budzie zdavacca z poŭnym azdableńniem — špalerami, plitkaj, łaminatam.
Zaviaršyć budaŭnictva pa płanie pavinny ŭ kancy 2028 hoda, ale zdajecca, što budaŭniki spraviacca značna chutčej. Tak, kali letam na budaŭničaj placoŭcy byli tolki cokali dvuch mapidaŭskich šmatpaviarchovikaŭ i palevaje pole treciaha, to siońnia na pieršym domie zmantavanyja ŭžo adzinaccać pavierchaŭ, na druhim — dzieviać, na trecim u pracy pieršy.
Taksama vykananyja vialikija abjomy rabot pa ŭładkavańni płoskasnych stajanak z boku praśpiekta, viadziecca praca pa budaŭnictvie inžyniernych zbudavańniaŭ.
Pobač z kožnym šmatpaviarchovikam praduhledžanyja viełaboks i placoŭka dla CKP, zaradnaja stancyja na try elektraaŭtamabili, dźvie dziciačyja hulniavyja placoŭki. Budzie ŭ kvartale i ahulnaja spartyŭnaja zona z troch placovak.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary