U Vialikabrytanii praz bolš čym paŭhoda paśla źniknieńnia ŭ lesie znoŭ zaŭvažyli kapibaru Sambu
U zaaparku Marwell Zoo ŭ hrafstvie Hempšyr kala Vinčestera praciahvajuć šukać kapibaru Sambu, jakaja ŭciakła bolš za paŭhoda tamu. Niadaŭna kamiery nazirańnia za dzikaj pryrodaj znoŭ zafiksavali žyviołu. Zdymki, zroblenyja ŭ kastryčniku, atrymalisia nievyraznymi, ale paćviardžajuć, što Samba ŭsio jašče znachodzicca na voli, piša Bi-bi-si.
Kapibara ŭciakła z zaaparku 17 sakavika — mienš čym praz sutki paśla prybyćcia. Jana vybrałasia z časovaha valjera, dzie znachodziłasia razam sa svajoj siastroj Tanha. Siastru nieŭzabavie złavili, ale Sambu znajści nie ŭdałosia.
Paśla apošniaha nazirańnia ŭ žniŭni supracoŭniki zaaparku ŭstalavali dadatkovyja kamiery. Dakładnaje miesca, dzie zrabili apošnija zdymki, nie raskryvajuć, bo jany byli atrymanyja na pryvatnaj terytoryi.
Pradstaŭniki zaaparku adznačajuć, što viartańnie Samby — pastupovy i staranna spłanavany praces. Niahledziačy na toje, što supracoŭniki viedajuć, u jakim rajonie znachodzicca žyvioła, prosta padyści da jaje i złavić niemahčyma. Važna nie napałochać kapibaru: mocny stres moža prymusić jaje pierabracca ŭ inšaje miesca i ŭskładnić biaśpiečnaje viartańnie.
Kab pryvučyć Sambu rehularna viartacca ŭ peŭnaje miesca, supracoŭniki arhanizavali tam placoŭku dla karmleńnia. U zaaparku ličać heta važnym etapam padrychtoŭki da jaje biaśpiečnaha adłovu.
Za apošnija miesiacy kapibaru zaŭvažali ŭ roznych miescach, u tym liku kala paba i na bierazie raki, dzie jana hrełasia na soncy. Adnojčy jaje ŭbačyŭ čałaviek, jaki vyhulvaŭ sabaku: žyvioła znachodziłasia na bierazie, a potym papłyła pa race.
U lipieni ŭ zaaparku pasialili samca kapibary pa mianušcy Rypł, jakoha źmiaścili razam z Tanha. Samba ž zastajecca na voli i, pa słovach supracoŭnikaŭ, adroźnivajecca ad siastry bolšaj schilnaściu da pryhod.
Kapibary pachodziać z Paŭdniovaj Amieryki i źjaŭlajucca najbujniejšymi hryzunami ŭ śviecie. Jany majuć masiŭnaje cieła, karotkija łapy i častkova pierapončatyja palcy, jakija dapamahajuć im dobra płavać.
Kapibara źbiehła z zaaparka. Toje, što adbyłosia dalej, pieratvaryłasia ŭ paŭhadavy detektyŭ
U Bavaryi na Dunai złavili anakondu
«15 chvilin i kaštuje 100 rubloŭ». Biełarusy spračajucca pra canu spatkańnia z kapibaraj u parku žyvioł pad Baranavičami
«Adčuvańnie, što trymaješ u rukach žele». U Minsku ciapier možna schadzić u hości da źviarkoŭ, jakija vielmi lubiać ludziej
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2929
Kamientary