Napieradzie tolki Tejłar Śvift i Jay-Z.
Pravy na pieśni inšych vykanaŭcaŭ, dachody ad The Beatles i hastrolaŭ prynieśli Połu Makartni $1,4 młrd. Jaho apiaredžvajuć tolki Jay-Z i Tejłar Śvift, piša Forbes.
84‑hadovy Makartni sastupaje tolki repieru Jay-Z, stan jakoha Forbes aceńvaje ŭ $2,8 młrd, i śpiavačcy Tejłar Śvift z $2 młrd.
Asnovaj biznesu Makartni stała kampanija MPL Communications, zasnavanaja ŭ 1969 hodzie, niezadoŭha da raspadu The Beatles. Jana dazvoliła Makartni kantralavać pravy na tvory i zapisy svajoj solnaj karjery i atrymlivać značnuju častku dachodaŭ ad ich. Muzykant taksama pačaŭ nabyvać pravy na čužyja pieśni zadoŭha da taho, jak muzyčnyja katałohi stali papularnym inviestycyjnym aktyvam.
«Praz šeść dziesiacihodździaŭ paśla taho, jak Makartni śpiavaŭ, što nie nadta kłapocicca pra hrošy i, mahčyma, nie moža šmat čaho dać, jon, vykonvajučy pieśni, padajučy ŭ sud i sustrečnyja pazovy, hastralujučy i ŭparta pracujučy, nazapasiŭ bahaćcie ŭ $1,4 młrd.
Ale na praciahu mnohich hadoŭ jon zarablaŭ na The Beatles značna mienš, čym možna było b mierkavać, i značna bolš — na vykanaŭcach, ad jakich hetaha možna było b nie čakać. Heta kłasičnaja historyja pra toje, jak mastactva i kamiercyja mohuć pieraplatacca», — adznačaje Forbes.
Ciapier čytajuć
Mahiloŭ, Viciebsk i Homiel udałosia dałučyć da BSSR tolki tamu, što Maskva takim čynam chacieła spakusić Zachodniuju Biełaruś — apublikavanyja dakumienty6161
Kamientary