Stali viadomyja novyja padrabiaznaści pra krakaŭskaha strałka, jaki zabiŭ jak minimum 6 čałaviek
Polski ŭłady ŭdakładnili kolkaść achviar stralaniny ŭ Krakavie: zahinuli šeść čałaviek, jašče 15 atrymali ranieńni. Adna z paranienych žančyn pamierła ŭ balnicy. Pavodle źviestak vydańnia Onet, napadnikam byŭ Michał O. z horada Astroviec-Śvientakšyski. Ministerstva ŭnutranych spraŭ i administracyi Polščy paćvierdziła, što jon źjaŭlajecca hramadzianinam krainy.
Pavodle infarmacyi ad śviedkaŭ, kala treciaj hadziny dnia 7 listapada aŭtamabil na vialikaj chutkaści vyjechaŭ na płošču Rynak u samym centry Krakava. U mašynie znachodziŭsia mužčyna ŭ mascy, jaki adkryŭ ahoń pa ludziach. Minaki pačali ŭciakać i chavacca ŭ kaviarniach, restaranach i padjezdach.
Jak vyśvietliŭ Onet, Michał O. mieŭ dazvoł na zachoŭvańnie dźviuch adzinak zbroi. Jon pierasoŭvaŭsia na aŭtamabili, zarehistravanym na jaho 52‑hadovaha baćku, žychara Śvientakšyskaha vajavodstva (centr vajavodstva — horad Kielcy). Baćka taksama mieŭ dazvoł na zbroju i vałodaŭ ažno adzinaccaćciu adzinkami. Raniej ni baćka, ni syn nie traplali ŭ pole zroku pravaachoŭnych orhanaŭ.
Padčas zatrymańnia napadnika paranili palicejskija. Ciapier jon znachodzicca ŭ balnicy, jaho stan stabilny.
Pavodle pradstaŭnicy Małapolskaha vajavodskaha ŭpraŭleńnia palicyi Katažyny Cisła, mužčyna byŭ apranuty ŭ vopratku vajskovaha typu i karystaŭsia daŭhastvolnaj ahniastrelnaj zbrojaj, padobnaj da vajskovaj. Mahčyma, heta była samazaradnaja vintoŭka AR-15. U jahonym aŭtamabili palicejskija znajšli šmat inšaj zbroi i bojeprypasaŭ.
U bahažniku taksama znajšli vajskovy zaplečnik, padsumki i štyk-nož.
Adrazu paśla teraktu źjaŭlalisia viersii, što strałok raniej słužyŭ u polskim vojsku. Adnak ža ministr nacyjanalnaj abarony Polščy Uładzisłaŭ Kasiniak-Kamyš hetuju infarmacyju adnaznačna źniapraŭdziŭ:
«Mužčyna nie byŭ i nie źjaŭlajecca vajskoŭcam Vojska Polskaha i nikoli nie mieŭ ničoha ahulnaha z vojskam».
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary
Jak vy sabie ŭjaŭliajecie vašuju prapanovu biez abmiežavannia pravoŭ i svabod čałavieka ? Vy što, zusim užo taho ?..