«Džej Dzi, kachanieńki!» Trolinh El-Sajeda na adras Vensa zavirusiŭsia ŭ sacsietkach

Na vybarach 3 listapada 42‑hadovy Abduł El-Sajed pieramoh u štacie Mičyhan respublikanca Majka Rodžersa. Jon stanie pieršym musulmaninam u historyi Sienata ZŠA. Jahonaja pieramoha z salidnaj, 7‑pracentnaj pieravahaj, stała asabliva zaŭvažnaj na fonie kampanii, padčas jakoj viadučyja respublikancy atakavali jaho nie tolki za palityčnyja pohlady, ale i za musulmanskaje vieravyznańnie.

U kastryčniku, vystupajučy na mitynhu ŭ padtrymku respublikanca Majka Rodžersa, Džej Dzi Vens abvinavaciŭ Abdułu El-Sajeda ŭ nielubovi da Amieryki i niepavazie da jaje historyi. Jon zajaviŭ, što demakrat, jaki naradziŭsia i vyras u Mičyhanie, pavinien być udziačny krainie za mahčymaści, jakija atrymaŭ.

Vice-prezident nazvaŭ El-Sajeda «łasačkaj» (little weasel), jakoj varta zatknuć rot i być udziačnym Amierycy.

U anhlijskaj movie weasel — nie tolki nazva źviarka, ale i źniavažlivaje abaznačeńnie chitruna, pranyry, jak u nas lisa. El-Sajed adkazaŭ, što jon nie łaska, a rasamacha (wolverine), namiaknuŭšy na nazvu spartyŭnych kamandaŭ Mičyhanskaha ŭniviersiteta, jaki jon skončyŭ, — Michigan Wolverines («Mičyhanskija rasamachi»).

Paśla pieramohi El-Sajed nie prapuściŭ nahody pakpić z Vensa. Vystupajučy pierad prychilnikami ŭ Detrojcie, jon źviarnuŭsia niepasredna da vice-prezidenta:

«Džej Dzi, chabibi, vielmi śmiešna, što, pavodle Kanstytucyi ty budzieš abaviazany pryvieści mianie da prysiahi ŭ studzieni».

“JD, habibi, there is this delicious irony in the fact that you're constitutionally obligated to swear me in in January,” said Democrat Abdul El-Sayed after his projected win in the Michigan Senate race, in a dig at Vice President JD Vance. https://t.co/6Y4bsrByfj

— CBS News (@CBSNews) November 4, 2026

Chabibi pa-arabsku aznačaje «daražeńki», «kachanieńki». U hetym vypadku łaskavy zvarot prahučaŭ jak pabłažlivaja ironija z čałavieka, jaki niezadoŭha da vybaraŭ publična abražaŭ El-Sajeda. U padtekście tut jašče i padkreślena maskulinny styl, jakoha starajecca trymacca Vens.

Ludzi ŭ zale vybuchnuli śmiecham.

«Rasamachi» — 1, «Bakajz» — 0», — praciahnuŭ El-Sajed, namiakajučy na daŭniaje supiernictva Mičyhanskaha ŭniviersiteta z Univiersitetam štata Ahajo, jaki skončyŭ Vens. Spartyŭnyja kamandy apošniaha nazyvajucca «Bakajz» (Buckeyes

Buckeye litaralna aznačaje «voka alenia» (buck — samiec alenia, eye — voka). Tak nazyvajuć paŭnočnaamierykanskaje dreva, rodnasnaje konskamu kaštanu. Jahonyja bliskučyja karyčnievyja nasieniny sa śvietłaj plamaj nahadvajuć alenievaje voka. Dreva stała simvałam štata Ahajo, a słova Buckeyes — mianuškaj jaho žycharoŭ i nazvaj univiersiteckich kamand

).

Dastałosia i Donaldu Trampu. Padčas kampanii prezident nieadnarazova pierakručvaŭ imia El-Sajeda, nazyvajučy jaho «Machamiedam», i vykarystoŭvaŭ u dačynieńni da jaho słova «džychadyst».

«Donald, ja viedaju, što tabie ciažka dajecca majo imia. Tamu paśla taho, jak Džej Dzi pryviadzie mianie da prysiahi ŭ studzieni, možaš nazyvać mianie prosta sienataram», — sa śmiecham zajaviŭ pieramožca.

Videa ź pieramožnaj pramovaj zavirusiłasia pa sacsietkach. Mnohija nazvali zvarot da Vensa «trolinham najvyšejšaha ŭzroŭniu».

Voś poŭnaje videa pramovy El-Sajeda:

Chto taki Abduł El-Sajed

Novaabrany sienatar naradziŭsia ŭ Mičyhanie ŭ siamji vychadca ź Jehipta, jaki pryjechaŭ u ZŠA vučycca. Sam palityk vyvučaŭ bijałohiju i palitałohiju ŭ Mičyhanskim univiersitecie, paśla čaho atrymaŭ doktarskuju stupień u halinie hramadskaha zdaroŭja ŭ Oksfardzie, dzie vučyŭsia pa prestyžnaj stypiendyi Rodsa. Paźniej jon skončyŭ miedycynskuju škołu Kałumbijskaha ŭniviersiteta.

U 30 hadoŭ El-Sajed uznačaliŭ departamient achovy zdaroŭja Detrojta, paźniej kiravaŭ adpaviednaj słužbaj akruhi Uejn. 

Na vybarach u Sienat El-Sajed vystupaŭ za biaspłatnuju miedycynu dla ŭsich, pavyšeńnie padatkaŭ dla bahatych i abmiežavańnie ŭpłyvu karparacyj na palityku. Taksama jon rezka krytykavaŭ Izrail za rujnavańnie Hazy.

• 18
• 2
• 15
• 7
• 0
• 0
• 2
• 0