U Viciebsku da pryjezdu Łukašenki zrabili «paciomkinski» praspekt
Viciebskija darožniki hetak śpiašalisia ŭpravicca da pryjezdu Łukašenki, što zabylisia na liŭniovyja ścioki. Ciapier trasu zatapiła i jaje daviadziecca pierabudoŭvać nanava.
Viciebskija darožniki hetak śpiašalisia ŭpravicca da pryjezdu Łukašenki, što zabylisia na liŭniovyja ścioki. Ciapier trasu zatapiła i jaje daviadziecca pierabudoŭvać nanava.
Supracoŭniki Kastryčnickaha rajadździeła žyllova-kamunalnaj haspadarki sami dziviacca, jak mahło atrymacca tak , što ŭściaž usiaho praśpiekta Frunze ŭ Viciebsku źnikli «liŭnioŭki» – adtuliny dla ścioku daždžavoj vady.
Miž tym adkaz na heta pytańnie zusim prosty: novaje darožnaje pakryćcio tut układali ŭ apošniuju noč pierad pryjezdam Alaksandra Łukašenki. Ułady bajalisia tolki adnaho – nie paśpieć svoječasova, usio inšaje ich nie turbavała.
Napiaredadni fiestyvala «Słavianski bazar u Viciebsku» praśpiekt Frunze byŭ poŭnaściu adnoŭleny, bo mienavita praź jaho lažała daroha prezidenta da haradskoj balnicy chutkaj miedycynskaj dapamohi, jakuju jon musiŭ ŭračysta adkryć paśla ramontu. Prajezžaja častka praśpiektu była pašyranaja, śviežaje asfaltavaja pakryćcio bliščeła pad lipieńskim soncam, i adkryćcio miedyčnaje ŭstanovy prajšło ź vialikaj pompaj.
Pryčym u svajoj pramovie Alaksandar Łukašenka nie zabyŭsia padkreślić, što budaŭniki i darožniki staralisia nie dla jaho, a «dla naroda» – kab žycharam Viciebsku było pryjemna lačycca ŭ adramantavanym špitali i hulać pa praśpiekcie z novym asfaltam.
Paradavacca miascovyja žychary paśpieli chiba da pieršych daždžoŭ, paśla jakich značnaja častka praśpiektu była zatoplenaja vadoj. Kali łužyny nie vysachli i za dva nastupnyja pahodnyja tydni, hetym zacikavilisia i aŭtamabilisty, i piešachody. Nieŭzabavie vyśvietlili: adtuliny dla ścioku vady nahłucha zakatanyja tym samym novym «łukašenkaŭskim» asfaltam.
Nad pytańniem, što ciapier rabić, razvažajuć ŭ Kastryčnickim rajonnym adździele kamunalnaje haspadarki. Dyrektar darožna-budaŭničaha ŭpraŭleńnia №45 Uładzimir Karasioŭ maje ŭsie naležnyja dakumienty pra toje, što arhanizacyja vykanała ramont darožnaha pakryćcia, a pra restaŭracyju «liŭniovak» nijakaje damovy nie było. Atrymlivajecca, vinavatych niama.
Ciapier asfalt iznoŭ zdymuć, pračyściać kanalizacyjnuju sistemu, potym ustalujuć novyja rašotki i znoŭ zaasfaltujuć darohu. Usio heta budzie rabicca za biudžetnyja srodki, a kali kazać bolš dakładna, za srodki haradžanaŭ.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary