Kandydat u prezidenty ad Partyi BNF Ryhor Kastusioŭ vystupiŭ z adkrytym zvarotam z nahody 20‑j hadaviny abviaščeńnia dziaržaŭnaha suvierenitetu.
Kandydat u prezidenty ad Partyi BNF Ryhor Kastusioŭ vystupiŭ z adkrytym zvarotam z nahody 20‑j hadaviny abviaščeńnia dziaržaŭnaha suvierenitetu Respubliki Biełaruś.
Kastusioŭ asabista pieradaŭ tekst zvarotu ŭ kancylaryju Savieta ministraŭ. Taksama zvarot byŭ razasłany ŭ Administracyju prezidenta, hienieralnamu prakuroru, śpikieram pałat parłamienta, u kamitet dziaržkantrolu, redaktaru «Sovietskoj Biełoruśsii».
«Jak i 20 hadoŭ tamu, BNF vierny pryncypam, abvieščanym u Dekłaracyi. U toj ža čas pa‑raniejšamu zastajucca palityčnyja siły, jakija hatovyja da revizii nacyjanalnaha vybaru, što byŭ zrobleny biełarusami dvaccać hod tamu. Impierskija ambicyi, skiravanyja suprać pryncypaŭ Dekłaracyi 27 lipienia, buduć asudžanyja na parazu niezaležna ad formy vyjaŭleńnia hetaha impieryjalizmu, navat kali jon apranie libieralnuju tohu», — miarkuje R.Kastusioŭ.
Namieśnik staršyni Partyi BNF zaklikaje pravieści spraviadlivyja vybary. «Ja zaklikaju ŭsie palityčnyja siły krainy, partyi, dziaržaŭnyja i hramadskija struktury abjadnać namahańni i nie dapuścić narastańnia pahrozaŭ dziaržaŭnamu suvierenitetu našaj krainy. Heta mahčyma tolki pry ŭmovie praviadzieńnia bližejšaj vybarčaj kampanii va ŭmovach demakratyčnaj kankurencyi i svabody vybaru. Kali kampanija budzie vieścisia pa zvykłym administratyŭna‑represiŭnym scenary, to heta zrobicca važkim kozyram u rukach źniešnich siłaŭ, jakija prahnuć destabilizacyi i razbureńnia nacyjanalnaha suvierenitetu Respubliki Biełaruś, z metaj štučnaha stvareńnia padstavaŭ dla ŭmiašalnictva va ŭnutranyja spravy našaj krainy».
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii7
Kamientary