Chryścijanskija demakraty ładziać tam letniuju škołu.
Biełaruskijachryścijan-demakraty pravodziać u Hrodnie letniuju škołu — tak nazyvajecca adukacyjnaja kanfierencyja dla rehijanalnych lideraŭ arhkamiteta pa stvareńni partyi «Biełaruskaja chryścijanskaja demakratyja» (BCHD).
Škoła, jakaja arhanizavana adukacyjnaj kamisijaj arhkamiteta BCHD, budzie pracavać 14–15 žniŭnia. Sabranyja abmiarkujuć asnovy chryścijanskaj demakratyi, pytańni płanavańnia i padrychtoŭki akcyj,
Pierad udzielnikami škoły vystupić pretendent na post prezidenta Biełarusi ad BCHD Vital Rymašeŭski.
15 žniŭnia Rymašeŭski praviadzie sustreču ź miascovymi aktyvistami BCHD, a zatym z hetaj ža metaj naviedaje Masty, Vaŭkavysk, Słonim i Navahrudak.
Jak adznačaje
Padčas sustreč z aktyvistami BCHD abmiarkoŭvajecca padrychtoŭka vybarčaj kampanii Rymašeŭskaha i inšyja aśpiekty dziejnaści partyi, jakaja stvarajecca.
Varta adznačyć, što Ministerstva justycyi dvojčy admaŭlała zasnavalnikam partyi «BCHD» u rehistracyi arhanizacyi.
Pieršy ustanoŭčy źjezd partyi prajšoŭ u lutym 2009 hoda, druhi — u kastryčniku taho ž hoda.
U abodvuch vypadkach aficyjnaj pryčynaj admovy Miniusta zarehistravać BCHD stali niedakładnyja źviestki, nibyta znojdzienyja čynoŭnikami ŭ partyjnych dakumientach.
U najbližejšy čas aktyvisty BCHD zrobiać treciuju sprobu lehalizavać svaju dziejnaść — praviadzieńnie čarhovaha ŭstanoŭčaha źjezdu partyi «BCHD» zapłanavana na vierasień.
Lidery partyi nie chavajuć, što asablivych nadziej na rehistracyju arhanizacyi jany nie majuć. Źjezd, pavodle ich słoŭ, budzie, chutčej, techničnym: na im płanujecca ŭ pieršuju čarhu zaćvierdzić Rymašeŭskaha ŭ jakaści pretendenta na pasadu prezidenta Biełarusi ad BCHD, a taksama ŭchvalić jaho palityčnuju prahramu i skład pieradvybarnaj kamandy.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary