Było zafiksavana šeść lasnych i šeść tarfianych pažaraŭ, a taksama piać uzharańniaŭ travy. Ahulnaja płošča pažaraŭ skłała 7 ha. Usie pažary ŭdałosia likvidavać na pačatkovaj stadyi.
«Situacyja ŭ Biełarusi ź lasnymi pažarami spakojnaja, — paviedamiŭ pres-sakratar Ministerstva pa nadzvyčajnych situacyjach Vital Navicki. — U mnohim heta abumoŭlena tym, što miascovyja ŭłady ŭviali zabaronu na naviedvańnie nasielnictvam lasoŭ. Hetyja zabarony dziejsnyja i efiektyŭnyja, što paćviardžaje stanovišča. Varta zaznačyć, što hramadzianie taksama stali bolš pilnymi: u siarednim amal treć paviedamleńniaŭ pra ŭzharańni ŭ lasach i na tarfianikach pastupajuć ad miascovych žycharoŭ».
Pres-sakratar MNS taksama paviedamiŭ, što z-za vysokaj tempieratury pavietra i adsutnaści apadkaŭ u piaci rajonach krainy — Homielskim, Brahinskim, Čačerskim (Homielskaja vobłaść), Kaściukovickim i Mścisłaŭskim (Mahiloŭskaja vobłaść) — abjaŭleny piaty, samy vysoki, kłas pažaraniebiaśpieki.
Kamientary