Svaje patrabavańni kiraŭnik urada vykazaŭ 24 žniŭnia na pasiadžeńni prezidyuma Savieta ministraŭ, na jakim razhladalisia vyniki realizacyi Prahramy raźvićcia małych i siarednich haradskich pasialeńniaŭ u pieršym paŭhodździ 2010 hoda.
U Biełarusi, zajaviŭ Sidorski, stvorany pryvabnyja ŭmovy dla raźvićcia biźniesu, adnak u małych i siarednich haradskich pasialeńniach tempy jaho raźvićcia niedastatkovyja. «Prydarožny servis jak nie išoŭ, taki i nie idzie, servis pasłuh jak nie išoŭ, tak i nie idzie. Treba raźbiracca», — kanstatavaŭ premjer.
Dla vyrašeńnia prablemy Sidorski prapanavaŭ čynoŭnikam vieści na miescach bolš aktyŭny dyjałoh z pradstaŭnikami biźniesu nakont pieraponaŭ, jakija pieraškadžajuć raźvićciu dziełavoj aktyŭnaści. «Čynoŭniki źbiarucca i abmiarkoŭvajuć: čaho heta biźnies nie idzie? Dyk vy ź biźniesam sustrakajciesia. A to sieli, čakajuć, kali chtości pryjdzie i budzie dapamahać im pracavać», — aburyŭsia kiraŭnik urada.
Sidorski taksama zapatrabavaŭ ad čynoŭnikaŭ praanalizavać
«My stvaryli narmatyŭnuju bazu, ale ci zadavalniaje jana ludziej na miescach?Siadźcie, vyvučycie dakumienty, jakija dziejničajuć na terytoryjach, źbiarycie biźnies, pahladzicie, čamu nie budujucca kafe, restarany, prydarožny servis». Pavodle słoŭ premjera, u vypadku nieabchodnaści ŭ pravavuju bazu mohuć być uniesienyja źmianieńni. «Kali štości treba papravić — budziem pravić», — skazaŭ jon.
U jakaści prykładu Sidorski nahadaŭ, što čatyry hady tamu ŭ Biełarusi naličvalisia adzinki ahrasiadzibaŭ, a siońnia, adznačyŭ jon, «ich tysiačy». «Tamu što ŭrad čatyry razy viartaŭsia da hetych pytańniaŭ, prymalisia rašeńni na karyść hetaha siektara ekanomiki», — dadaŭ premjer.
Pavodle słoŭ kiraŭnika ŭrada, «biźnies zaŭsiody pojdzie, kali jamu budzie vyhadna stvarać pradpryjemstvy na hetaj terytoryi». «Čynoŭniki mohuć napisać 10–20 narmatyŭnych dakumientaŭ, ale kali biźnies budzie znachodzić niejkija niedachopy ŭ hetych dakumientach, jon nikoli nie pojdzie pracavać u małyja harady», — padsumavaŭ Sidorski.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu5
Kamientary