U halerei «Padziemka» adkryvajecca kniharnia vydaviectva «Halijafy»
U halerei «Padziemka» (Niezaležnaści, 43) adkryvajecca kniharnia vydaviectva «Halijafy». Pavodle apošnich trendaŭ, toje budzie nie prosta miesca, dzie pradajuć knihi: u kniharni taksama buduć adbyvacca prezientacyi novych vydańniaŭ, aŭtohraf-siesii, čytańni dy inšyja litaraturnyja imprezy. Štopaniadziełak budzie zasiadać litabjadnańnie «Vobła».
U centry horada ŭžo jość takija šmatfunkcyjanalnyja «kniharni+»: «Knižny sałon» la Bataničnaha sadu i «Kniharnia Ŭ» la płoščy Pieramohi. Ci nie baicca novaje pradpryjemstva kankurencyi ź ich boku?
— Nie baču nijakaj kankurencyi, bo ŭ Biełarusi niama pakul što sapraŭdnaha art-rynku, — kaža Źmicier Višnioŭ, paet i adzin z kiraŭnikoŭ vydaviectva «Halijafy». — Naadvarot: my aktyŭna supracoŭničajem ź inšymi halerejami, kab nie było nakładak i paŭtoraŭ. U dadatak, u novuju kniharniu my budziem brać na realizacyju knihi inšych vydaviectvaŭ, a nie tolki «halijafaŭskija» vydańni. Tamu my chutčej nie kankurujem, a dapaŭniajem adna adnuju.
Novaja kniharnia budzie handlavać knihami jak niezaležnych, tak i dziaržaŭnych vydaviectvaŭ: knihi vydaviectvaŭ «Radyjoła plus», «Kołas», «Biełtonmiedyja», «Miedysont» tut stajać pobač z asobnikami, što pabačyli śviet u «Mastackaj litaratury» i vydaviectvie «LiMa»
— U ideale «Halijafy» chacieli b adkryć asobny art-centr: z vystavačnym centram, dzie tvorčyja ludzi mahli b sustrecca z publikaj idno z adnym, — dadaje Višnioŭ. — A pakul akramia kamiercyjnaj dziejnaści budziem ładzić u «Padziemcy» majstar-kłasy. U najbližejšych płanach — sustrečy ź viadomymi litaratarami Jurasiom Paciupam, Anatolem Ivaščankam, Valancinam Akudovičam i Uładzimiram Arłovym. Jany majuć nie tolki pračytać svaje tvory, ale i praanalizavać napisanaje pačatkoŭcami.
Dadamo, što 1 vieraśnia adbudziecca ŭračystaje adkryćcio kniharni vydaviectva «Halijafy». U imprezie voźmuć udzieł Źmicier Višnioŭ, Uładzimir Hniłamiodaŭ, Ihar Žałtkoŭ, Volha Hapiejeva, Źmicier Plan, Jaryła Pšaničny, Sierž Minskievič, Viktar Žybul, Viera Burłak, Siarhiej Kalenda, Alaksiej Tałstoŭ. Pačatak a 18-j. Uvachod volny.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary