U piatnicu ŭviečary pacyjenty, što znachodzilisia na 2 i 3 pavierchach, raptam adčuli prysutnaść u pavietry nieviadomaha hazu.
17 vieraśnia ŭ karelickim rajonnym špitali adbyŭsia incydent. Kala dzieviataj hadziny viečara pacyjenty, što znachodzilisia na 2 i 3 pavierchach, raptam adčuli prysutnaść u pavietry nieviadomaha hazu.
Zatym u piersanału špitala i ŭ pacyjentaŭ źjavilisia prykmiety atručvańnia. Rataŭniki, što prybyli na miesca zdareńnia, kanstatavali — niechta raspyliŭ u špitali haz z bałončyka.
Jak paviedamili «NN» u rajadździele MNS, viečaram piatnicy ź lakarni pastupiŭ sihnał ab źjaŭleńni ŭ pamiaškańniach nieviadomaha hazu. «Kali my prybyli na miesca, to śladoŭ hazu ŭžo amal nie zastałosia. Niechta prosta raspyliŭ hazavy bałončyk na leśvičnym pralocie, pamiž 2 i 3 pavierchami. Prysutnaść hazu adčuvałasia na kalidorach i ŭ adździele reanimacyi. Adnak haz chutka raśsiejaŭsia i pravodzić niejkich admysłovych mierapryjemstvaŭ nie spatrebiłasia», — raspavioŭ «NN» supracoŭnik MNS, jaki pracavaŭ na miescy zdareńnia.
U samoj balnicy fakt raspyleńnia hazu paćvierdzili, adnak ad niejkich kamientaroŭ admovilisia. A ŭ rajonnym adździele milicyi nie zmahli skazać, ci budzie ŭraspačataja kryminalnaja sprava za chulihanstva. «Ja ŭpieršyniu čuju ab takim vypadku», — zaznačyli tam ŭ razmovie z karespandentam «NN».
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary