Biełaruski forvard «Manreal Kanadyjens» Andrej Kaścicyn zakinuŭ siońnia druhuju šajbu ŭ novym siezonie Nacyjanalnaj chakiejnaj lihi. Jaho kłub siońnia vyjhraŭ u «Atavy» — 4:3 (1:1, 2:2, 1:0).
Biełarus zakinuŭ šajbu na
A na57-j chvilinie Kaścicyn addaŭ asistencki pas užo Plekancu, jaki pastaviŭ pieramožnuju kropku ŭ matčy. Andreja pryznali pieršaj zorkaj matča.
Biełarus pravioŭ na placoŭcy 17 chvilin 50 siekundaŭ, adpaviedna pa sistemie hoł+pas (1+1), kaeficyjent karysnaści +1, i taksama atrymaŭ dźvie chviliny štrafu.
Takim čynam u Andreja na rachunku ŭ novym siezonie 2 šajby i 2 asistenckija pasy. Jon abahnaŭ u nieaficyjnaj sprečcy siarod biełarusaŭ, što vystupajuć u NCHŁ, Michaiła Hraboŭskaha («Taronta») u jakoha na rachunku 3 bambardzirskija bały (0+3).
Darečy, Kaścicyn dahnaŭ pa kolkaści šajbaŭ u NCHŁ Uładzimira Cypłakova - najlepšaha biełaruskaha snajpiera u Nacyjanalnaj chakiejnaj lizie. Ciapier u abodvuch forvardaŭ pa 69 hałoŭ. Praŭda, Cypłakoŭ skončyŭ karjeru 9 hadoŭ tamu.
Usiaho ŭ Kaścicyna-starejšaha 145 bałaŭ (69+76).
«Nešvił», za jaki hulaje małodšy brat Andreja Siarhiej Kaścicyn, siońnia prajhraŭ u oviertajmie «Vašynhtonu» — 2:3 (1:0, 1:0, 0:2, 0:1). Siarhiej pravioŭ na placoŭcy 7 chvilin 35 siekundaŭ, mieniej tolki Uejd Biełak.
«Detrojt» Rusłana Saleja vyjhraŭ u haściach u oviertajmie ŭ «Finiksa» -1:2. Biełaruski abaronca pravioŭ na placoŭcy 18 chvilin 34 siekundy. Hałoŭ i halavych pasaŭ u jaho pakul niama.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary