Sud Maskoŭskaha rajona Bresta 9 listapada vynies pryhavor25-hadovamu miascovamu žycharu za kiravańnie transpartnym srodkam u stanie ałkaholnaha apjanieńnia. Mieniedžar pa prodažu adnaho z bresckich pradpryjemstvaŭ byŭ zatrymany 16 žniŭnia hetaha hoda ŭ abłasnym centry pjanym za rulom «Mazdy».
Jak paviedamiŭ pamočnik prakurora Maskoŭskaha rajona Bresta Eduard Paškievič, jaki padtrymlivaŭ dziaržaŭnaje abvinavačańnie pa hetaj spravie, sud pryznaŭ maładoha čałavieka vinavatym na padstavie č. 2 art. 317–1 Kryminalnaha kodeksa (kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia) i pryznačyŭ pakarańnie ŭ vyhladzie adnaho hoda pazbaŭleńnia voli ŭ papraŭčaj kałonii va ŭmovach ahulnaha režymu z pazbaŭleńniem prava kiravańnia transpartnymi srodkami na piać hadoŭ.
Pradstaŭnik prakuratury ŭdakładniŭ, što heta treciaje pryciahnieńnie da kryminalnaj adkaznaści maładoha čałavieka na padstavie takoha ž artykuła KK. U 2009 hodzie sud pryhavaryŭ jaho da papraŭčych rabot na dva hady, 20 lipienia 2010 hoda — da hoda i šaści miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu.
Na praciahu apošnich dvuch hadoŭ małady čałaviek bolš za 20 razoŭ byŭ zatrymany za parušeńnie pravił darožnaha ruchu, u tym liku piać razoŭ — za kiravańnie transpartnym srodkam u stanie ałkaholnaha apjanieńnia.
Prysud, vyniesieny jamu 9 listapada, jašče nie nabyŭ zakonnaj mocy i moža być abskardžany.
«U Maskoŭskim rajonie Bresta ŭpieršyniu hramadzianin trojčy pryciahvajecca da kryminalnaj adkaznaści za znachodžańnie za rulom u niećviarozym stanie», — adznačyŭ Paškievič.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary