i inšyja navinki knižnaj sieryi «Kniharni piśmieńnika».
Novyja vydańni ŭ adnajmiennaj knižnaj sieryi.
Praŭda jak relihija / Juraś Załoska; Hutarki z Vasilom Bykavym. — Minsk: Miedysont, 2010. — 192 s.
Heta hutarki z narodnym piśmieńnikam, datavanyja pieršaj pałovaj 1990-ch. Dumki aŭtara i piśmieńnika ab tym, što adbyvałasia navokał. Heta pašyranaje vydańnie knihi «Dyjałohi z Vasilom Bykavym», što vychodziła piatnaccać hadoŭ tamu. Dla čaho stvarałasia kniha? «Pryčyny dźvie: pa-pieršaje, intelektualizm jaho publicystyki, asabliva času pierabudovy i, paźniej, adradženskaj; pa-druhoje, pryciažeńnie samoj jaho asoby», — adznačaje sp. Załoska, siońnia — pravasłaŭny śviatar.
Vulica dobraj nadziei / Michaś Andrasiuk; Apaviadańni. — Minsk: Miedysont, 2010. — 304 s.
Zbornik apaviadańniaŭ biełaruskamoŭnaha piśmieńnika z Polščy Michasia Andrasiuka. Za svaju prozu aŭtar sioleta byŭ adznačany premijaj «Załaty apostraf-2009», što ŭručajecca časopisam «Dziejasłoŭ».
Most Śviatoha Franciška / Danuta Bičel; Uspaminy. — Minsk: Miedysont, 2010. — 290 s.
Heta praciah knihi Danuty Bičel «Chadzi na moj hołas», što vyjšła dva hady tamu. Aŭtarka «apaviadaje pra ludziej duchoŭna pryhožych, jakija žyli dla samich siabie, dla svaich blizkich i dla Radzimy, — u tym sensie, jak jany razumiejuć paniaćcie Radzimy». Heta asoby viadomyja, jak Česłaŭ Nioman, Zośka Vieras, Kastuś Tarasaŭ, tak i niaznanyja šyroka, ale blizkija dla Danuty Bičel, — muž, brat. Knihu piśmieńnica pryśviaciła Łarysie Hienijuš.
Sakramenta / Halina (Halina Bahdanava); Apaviadańni, apovieści. — Minsk: Miedysont, 2010. — 192 s.
Aŭtarka, viadomaja dziciačaj paezijaj i mastactvaznaŭčymi artykułami, na hety raz vydała knihu prozy.
Kamientary