Akazałasia, što ŭ raniejšym losavańni zabłytalisia.
Vital Rymašeŭski vystupić u efiry Biełteleradyjokampanii pieršym siarod kandydataŭ u prezidenty.
Jak paviedamiŭ BiełaPAN Pavieł Sieviaryniec, 18 listapada jamu patelefanavała kamientatar Biełteleradyjokampanii Volha Śpiechava i paviedamiła, što Rymašeŭski pavinien vystupić pa telebačańni 24 listapada ŭ 19 hadzin. Dla hetaha jamu treba budzie prybyć u Biełteleradyjokampaniju ŭ 18 hadzin, kab padrychtavacca da vystupleńnia. Adnak, zhodna ź losavańniem, Rymašeŭski pavinien byŭ vystupać 22 listapada. Pra heta Sieviaryniec i zajaviŭ Śpiechavaj.
Na 18 hadzin 24 listapada zapłanavana sustreča z kandydatami ŭ prezidenty na Kastryčnickaj płoščy Minska. «Mnie zdajecca, takim čynam supracoŭniki BT źbiralisia zrabić tak, kab Rymašeŭski nie zmoh udzielničać u sustrečy sa svaimi vybarščykami na akcyi, inicyjatarami jakoj my, ułasna kažučy, źjaŭlajemsia», — skazaŭ Sieviaryniec.
«Paśla taho jak ja zajaviŭ, što ŭ takim razie my na efir nie pojdziem i hetu infarmacyju my raspaŭsiudzim u presie, supracoŭniki BT spałochalisia i adkrucili ŭsio nazad.
Vystup Rymašeŭskaha projdzie ŭ žyvym efiry 22 listapada z 19.00 da 19.30. Adpaviednuju papieru ja atrymaŭ u Biełteleradyjokampanii», — zajaviŭ Sieviaryniec.
Volha Śpiechava paviedamiła BiełaPAN, što błytanina sapraŭdy mieła miesca. «My ličyli, što čałaviek, jaki vyciahvaje kvitok z numaram adzin, i budzie vystupać pieršym. Adnak heta byŭ tolki numar bileta. I ŭ numary bileta paznačalisia data i čas, u jaki jon budzie vystupać. Sieviaryniec vyciahnuŭ bilet №6, ale ŭ im ukazany čas vystupleńnia Rymašeŭskaha pieršym — 22 listapada z 19.00 da 19.30. Tolki paśla tłumačeńniaŭ Centrvybarkama my zrazumieli hetu sistemu», — skazała Śpiechava.
«My ŭrehulavali hetu prablemu. Nijakaj palityčnaj padaploki tut niama, prosta my niedazrazumieli praceduru. Zaraz na mnohich sajtach, jakija taksama krychu zabłytalisia, visiać paviedamleńni, što Łukašenka budzie vystupać čaćviortym.
Ale jon budzie vystupać paźniej», — adznačyła Volha Śpiechava.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary