Pieradvybarčyja abiacańni dziejnaha kiraŭnika na Usiebiełaruskim churale.
14:29
Łukašenka spyniŭsia na pytańni admieny śmiarotnaha pakarańnia. Adrazu ž zaznačyŭ, što heta nie padyhryvańnie Zachadu.
«My budziem pracavać ź ludźmi. Ale heta ichniaje rašeńnie».
«Nie treba pałochać KDB, milicyju. Nijakaj lustracyi nie budzie. Nikoha vy nie pasadzicie. Hladzicie, kab sami nie sieli», — uskosna adkazaŭ Łukašenka na prapanovy Ryhora Kastusiova.
Skončyŭ jon słovami «Razam my Biełaruś». Ahułam pramova doŭžyłasia try hadziny.
14:15
«U śpisie partnioraŭ chaciełasia b bačyć ZŠA, i nie na apošni miescy. U nas vialiki patencyjał, jaki my mała zadziejničajem. Z svajho boku my hatovy zrabić usie kroki, kab ich aktyvizavać», — skazaŭ Łukašenka.
Kiraŭnik dziaržavy kaža, što kulturu vyciahnuli z razvału, z palityčnych razborak. «Za jakasnyja knihi hatovyja płacić. Dajcie nam!»
«Dziakuj Bohu, što ŭ nas mirna suisnujuć biełaruskaja i rasiejskaja mova. Nijakaj hvałtoŭnaj biełarusizacyi, jak rusifikacyi, u nas nie budzie».
«Našy ludzi nie prymajuć palityčnaha radykalizmu. Ni ŭ jakuju novuju palityčnuju partyju ja nie pajdu, ja sa staroj jašče nie vyjšaŭ. Ja suprać, kab partyja stvarałasia źvierchu. Ja nie suprać partyj, kali jany tak buduć lubić krainu, jak ja».
I raskazaŭ, što zachoŭvaje kamunistyčny partbilet z savieckaha času.
Łukašenka kaža, što ŭ abiacańniach apazicyjnych kandydataŭ poŭny papulizm i pustyja abiacańni. Nie kažuć adkul jany što voźmuć. Dumaŭ, što ŭ debatach niešta skažuć — nie».
«U nas niama nijakich mienšaściaŭ — ni seksualnych, ni nacyjanalnych. Nikomu nie zaminajem budavać chramy».
Łukašenka apanientam: «Krainu vy nie atrymajecie».
13:59
«My nie majem namieru vybirać pamiž Jeŭropaj i Rasijaj. My nie idziom ni na Zachad, ni na Uschod. Heta było b niapravilna. Dla nas važnaja stratehija — roŭnaj nabližanaści da Rasii i Jeŭropy. Pracy ź Jeŭrasajuzam nie značyć sychodu ad Rasii. Na zachodnim nakirunku ŭ nas prablem prosta našmat bolej, čym u Rasii. Siońnia my ź Jeŭropaj handlujem bolš, čym z Rasijaj.I my Jeŭropie za heta dziakujem. Ale nielha chavać sajuzny prajekt», — skazaŭ A.Łukašenka.
Adnak palityka rasijskaha kiraŭnictva robić škodu družbie narodaŭ. Razam z tym, Łukašenka bačyć, što ŭ Rasii adbyvajecca ŭśviedamleńnie apošnich padziej.
«My nikoli nie budziem adnymi, bananavaj dziaržavaj. Znojducca tyja, chto nam dapamoža. Vialiki Kitaj akazvaje nam usialakuju dapamohu. Nu što kiepskaha, što Kitaj adkryje svaju kulturu ŭ nas?»
«Što było z Rasijaj, toje ŭsio projdzie. Z Rasijaj rvać ni ŭ jakim vypadku nielha. Stasunki ničoha nie sapsavanyja. Adzin biez adnaho my isnavać nie zmožam».
13:47
«Našy «biednyja» ludzi stolki inšamarak majuć, što ŭ čas pik nie prabracca. U Minsku možna spynić budaŭnictva žylla, kab spynić pryrost nasielnictva. Treba budavać harady‑spadarožniki.
Što datyčyć sielskaj haspadarki, to kaža pra patrebu nie tolki ŭ bujnych haspadarkach, ale i fiermierach. «Fiermier — heta toj ža staršynia kałhasa». «My strymlivajem inviestaraŭ. My baimsia pieradać bujnyja kompleksy zamiežnym inviestaram.
«Aściarožna praviadziom pryvatyzacyju ziamli dla tych pryvatnikaŭ, što dakazali svaju efiektyŭnaść».
13:25
Nakont pravierak. Prakapovič prainfarmavaŭ Łukašenku, što pravierki nie spyniajucca. Na heta Zianon Łomać adkazaŭ, što heta nie pravierki, a manitorynh. Hetyja słovy kiraŭnika dziaržavy sarvali avacyi.
Što pradpryjemstvy bolš ułahodžvajuć pravierki, čym pracujuć. Pravierak budzie mieniej. Abiacaje istotnaje źmianšeńnie padatkavych nahruzak.
«Kožnaha zamiežnaha biźniesmiena ja prymaju asabista. I ja daju im harantyi», — zaznačyŭ lidar.
Raźvićcio małych haradoŭ, viosak.
13:12
«Mnie soramna havaryć siońnia pra biełaruska‑rasijskaja adnosiny. Vystupaje prezident Rasii na samicie, i ni słova pra Biełaruś», — zaznačaje kiraŭnik dziaržavy.
Łukašenka zapeŭniŭ, kali Rasija budzie razmaŭlać ź im na roŭnych, to i Biełaruś budzie, a kali nie, to budziem stvarać svajo.
«Kryzisaŭ nie budzie. Kryzisy ŭ hałovach ludziej. Dziaržava harantuje zachavanaść bankaŭskich układaŭ», — zapeŭniŭ Łukašenka.
«U nas luboje pradpryjemstva moža być pryvatyzavanaje. My nikomu nie zabaraniali», — skazaŭ Łukašenka.
12:53
«Ja nie trymaŭsia za ŭsio savieckaje. Ja trymaŭsia za ludziej, jakich treba było karmić. Kryzis pakazaŭ, što my stvaryli dosyć krepkuju ekanomiku», — kaža A.Łukašenka.
«Ja prasiŭ, prasiŭ, prasiŭ hrošy. U Rasii, dzie nam ich faktyčna nie… U Kitaja. Nienarmalna, kali pad novy hod my karačymsia ŭ Maskvie, vyprošvajučy barel nafty. My hatovy dla Rasii rabić usio, ale i hetaha nie chapaje. Za piacihodku cana na haz pavialičyłasia ŭ piać razoŭ».
«Nam zaŭsiody ciažka było supracoŭničać z Rasijaj, ale inšaj niama.
Kali my jedziem u Vieniesuełu, to nie dla taho, kab ukałoć Rasiju. U nas niama inšaha vyjścia. Ja hatovy ciarpieć dla krainy, što zaŭhodna, ale pavyšeńnie pierad novym hodam cenaŭ na haz heta zanadta. Znajšli alternatyvu pa nafcie, znojdziem i pa hazie», — skazaŭ A.Łukašenka.
Tym nie mienš, Łukašenka havoryć, što bolš blizkaha naroda, čym biełarusy, u rasijan niama. «My zaŭsiody budziem aporaj dla ruskich ludziej. My hatovyja vykonvać svaje abaviazki pa biaśpiecy»
12:43
«Za miažoj šyjuć bolš pryhoža, ale što nam zaminaje», — skazaŭ Łukašenka pra skuranuju vytvorčaść.
Prapanoŭvaje asvajeńnie nietraŭ krainy. Nazyvaje pamyłkaj, što ŭ Biełarusi niama nijakich karysnych vykapniaŭ. Pavialičyć ułasnuju zdabyču vuhlevadarodnaj syraviny. Važnym punktam nazvaŭ pierapracoŭku druhasnaj syraviny — papiery, škła.
Łukašenka havoryć, što ŭžo nichto jaho nie krytykuje za kaśmičnuju prahramu, bo zrazumieli važnaść hetaha. Da haliny vysokich technałohij adnosicca i budaŭnictva atamnaj stancyi. Viaducca pieramovy z roznymi imaviernymi partniorami pa budaŭnictvie.
«Dla nas važnyja dva faktary: poŭnaja biaśpieka ludziej i zachavańnie našych intaresaŭ», — Łukašenka jašče prapanuje aktyvizavacca ŭ halinie nanatechnałohij.
12:27
Płanujecca ŭvieści bolšuju adkaznaść za niajakasnaje budaŭnictva damoŭ. Prapanuje budavać nie prosta damy, ale i kompleksy — škoły, balnicy, kramy.Daŭ zahad užo ŭ pieršaj pałovie nastupnaha hodu ŭvieści ipateku.
Praciah baraćby z karupcyjaj, niahledziačy na «asoby i zvańni». Asablivaja ŭvaha talenavitaj moładzi, kab nie dać joj zhubicca. Spynić «uciečku mazhoŭ» z krainy.
Pa VUP my pavinny vyjści na siaredniejeŭrapiejski ŭzrovień. Naša pryjarytetnaja zadača ŭ ekanomiki — enierhabiaśpieka. 30% enierhii maje vypracoŭvacca ź biełaruskich krynic.
Pavieličeńnie roli biełaruskich lekavych preparataŭ na ajčynnym rynku — da 50%. Kaža, što akademik prynios jamu ŭžo pieršy raspracavany biełaruski lek. «Lačyciesia, Alaksandr Ryhoravič. Dziakuj, pakul nie treba».
Važnaj temaj jon nazvaŭ impartazamiaščeńnie. Biełaruskija tavary pavinny być nie horšymi za zamiežnyja. «U krainu ŭvozicca stolki niepatrebnaha, što my sami možam zrabić», — sintetyčnyja myjučyja srodki jon nazvaŭ adnoj z pryčyn razvału Savieckaha sajuzu.
«Ekanomika pavinna pryrastać za košt absalutna novych halin. A taksama madernizacyi isnujučych. U abłaściach i Minsku pavinna być realizavana pa 25‑30 inviestycyjnych prajektaŭ», — kaža kiraŭnik dziaržavy.
12:09
Usie kandydaty abiacajuć viarnuć lhoty, kaža A.Łukašenka. «Takoj raskošy razdavać lhoty naprava i naleva nie mohuć sabie dazvolić samyja bahatyja krainy», — jon kaža, što na hetaj hlebie było šmat falsifikacyj.
Ale kaža, što časta kantralory navat nie pytajucca bilety ŭ dziaciej i piensijanieraŭ u hramadskim transparcie. «Šalonych lhotaŭ nie budzie», — kaža lidar krainy.
«U nas 0,7% biespracoŭnych, a vakansij u try razy bolej. Pytańni ab zarobkach buduć całkam źniatyja, ale nie tamu, što my vam niešta dadzim, a tamu, što zmožacie zarobić».
Zaznačaje, što ŭ vioscy stvaryli dobryja ŭmovy dla pracy. «I niapraŭda, što ŭ nas pjanicy. Pjanicy tolki tam, dzie my nie zmahli efiektyŭna arhanizavać pracu».
Pryjarytetam dziaržaŭnaj palityki — budaŭnictva žylla. «Kančatkova vyrašym pytańnie dastupnaści žylla. Pašyrycca instytut lhotnaha kredytavańnia na žyllo. U haradach mienšych za 50 tysiač — kredyt 1% hadavych».
11:57
Udaskanalvańnie sistemy achovy zdaroŭja, kab źnikli čerhi ŭ paliklinikach.
Łukašenka kaža, što ŭdałosia zachavać vydatnuju sistemu adukacyi. Jon pachvaliŭ, što ŭ Biełarusi zastałasia sistema PTV.
Praciahniecca budaŭnictva spartovych placovak.
U druhi raz uskosna zhadaŭ apanientaŭ. Napeŭna, Ramančuka, što padčas kryzisu ludziej nielha było zvalniać, jak jon prapanoŭvaŭ. U nas było dva varyjanty: albo miljony zvolnienych, albo bolš‑mienš dobry zarobak. My vybrali mienšaje zło».
Skazaŭ, što vychodzim na siaredni zarobak u 500 dalaraŭ. Istotna pavysiŭsia zarobak navat u najbiadniejšych. Stavić zadaču na hetuju piacihodku — 1000 dalaraŭ. «Heta nižej, čym u Jeŭropie, ale ŭ nas bolšyja sacyjalnyja harantyi, tamu i zarobki atrymajucca na adnym uzroŭni».
«My nie majem namieru pavialičvać piensijny ŭzrost. Źmienaŭ u naličeńni piensij taksama nie budzie. U nas užo sfarmiravaŭsia siaredni kłas. Takich ludziej dźvie traciny. Vielmi važna, što ŭ nas niama mocnaha sacyjalnaha rassłajeńnia», — ličyć A.Łukašenka.
11.30
Łukašenka skazaŭ, što za apošnija piać hadoŭ źmiaściłasia šmat kataklikzmaŭ, ale Biełaruś zastałasia viernaja svajmu šlachu.
Svaju pramovu Alaksandr Łukašenka pačynaŭ z taho, što Biełaruś vyniesła vyprabavańnie hłabalnym kryzisam. Prablemy najpierš išli z Zachadu, ale i ŭschodni susied taksama nie dapamahaŭ, pavialičvajučy košty na haz i naftu. Kiraŭnik dziaržavy kaža, što tolki ciapier pačynajecca vychad ź jamy.
«Kraina nie prahnułasia, niahledziačy na šantaž z usich bakoŭ, — kaža pramoŭca. — Suvierenitet vyšejšaja dziaržaŭnaja kaštoŭnaść. Nichto za nas nie budzie vyrašać našy prablemy ni Maskva, ni Vašynhton, ni Brusel. Pierafrazujučy Bismarka, niezaležnaść darahoje zadavalnieńnie, jakoje nie kožny moža sabie dazvolić. Niezaležnaść — naša samaje vialikaje dasiahnieńnie».
Łukašenka skazaŭ, što ekanamičny rost u nas byŭ 13‑y u śviecie. «Za hety čas stvorana 105 novych pradpryjemstvaŭ. Ale nie pa ŭsich pakazčykach udałosia vykanać płan: rost VUP, źmianšeńnie salda zamiežnaha handlu. Zrešty, tut vinavatymi byli abvieščanyja kryzis i pavyšeńnie cenaŭ na enierhanośbity.
Kiraŭnik dziaržavy stavić zadaču ŭvajści ŭ kłub technałahičnych lidaraŭ. Vyjści ŭ pieršuju paŭsotniu krain z najvyšejšym indeksam čałaviečaha raźvićcia. U centry ŭvahi dziaržavy budzie znachodzicca čałaviek.
Šmat uvahi nadzialałasia temie siamji. Łukašenka prapanuje bolšyja dapamohi na naradžeńnia dzicia, a taksama lhoty dla šmatdzietnych siemjaŭ. Skrytykavaŭ prahramu apanientaŭ pa hetaj prablemie, što nierealna paciahnuć ichnija prapanovy.
* * *
Na ŭsiebiełaruski churał, što prachodzić u Pałacy respubliki, sabrałasia kala 2500 čałaviek.
Kamientary