Źmitru Daškieviču i Eduardu Łobavu praciahnuli termin utrymańnia pad vartaj
Jašče na 10 sutak.
Lideru "Maładoha frontu" Źmitru Daškieviču i aktyvistu hetaj niezarehistravanaj arhanizacyi Eduardu Łobavu praciahnuli termin utrymańnia pad vartaj na 10 sutak.
Źniavoleńnie praciahnuta rasparadžeńniem prakurora biez vystaŭleńnia abvinavačańnia. Pravaabaroncy zajaŭlajuć, što novy termin utrymańnia pad vartaj niezakonny, i majuć namier abskardzić takoje rašeńnie.
Źmicier Daškievič, Eduard Łobaŭ i Dzianis Łazar byli zatrymanyja napiaredadni padziejaŭ 19 śniežnia pavodle padazreńnia ŭ złosnym chulihanstvie. Dzianisa Łazara vyzvalili 28 śniežnia. Pravaabaroncy zaniepakojenyja, što Źmicier Daškievič i Eduard Łobaŭ mohuć papoŭnić śpis źvinavačanych pavodle kryminalnaj spravy pa spravie ab złosnym chulihanstvie, jakaja praduhledžvaje pakarańnie da 10 hadoŭ turmy.
Pavodle versii śledztva, Daškievič, Łazar i Łobaŭ z chulihanskich pamknieńniaŭ źbili dvuch hramadzian.
Advakat Daškieviča Pavał Sapiołka raspavioŭ: "Dvoje paciarpiełych, na vyhlad prykładna hadoŭ dvaccaci piaci, rastłumačyli, što padyšli da chłopcaŭ i adnačasova spytali zakuryć. Na što ŭ adkaz adzin atrymaŭ udar kułakom "u vobłaść žyvata"), a druhoha stuknuli mietaličnymi abcuhami".
Sa słoŭ Daškieviča, na jaho z tavaryšami napali piaciora pravakataraŭ, paśla čaho aktyvistaŭ "Maładoha frontu" zatrymała milicyja.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary