Savinych: «Kanstatujem, što častka našych jeŭrapiejskich partnioraŭ majuć skažonyja ŭjaŭleńni ab realnaj palityčnaj i sacyjalnaj situacyi ŭ Biełarusi».
«My kanstatujem, što častka našych jeŭrapiejskich partnioraŭ majuć skažonyja ŭjaŭleńni ab realnaj palityčnaj i sacyjalnaj situacyi ŭ Biełarusi» — takuju zajavu zrabiŭ 4 studzieniapres-sakratar MZS Biełarusi Andrej Savinych.
Pavodle słoŭ Savinych, heta padšturchoŭvaje ich da pryniaćcia rašeńniaŭ, jakija «buduć nanosić uron narmalnamu ŭzajemadziejańniu i tym kaštoŭnaściam, prychilnaść da jakich jany sami dekłarujuć».
«Heta kontrpraduktyŭnaja pazicyja, jakaja ŭžo dakazała svaju bieśpierśpiektyŭnaść u minułaje dziesiacihodździe, — padkreśliŭ Savinych. — Sa svajho boku my zajaŭlajem ab nieabchodnaści ćviarozaj acenki situacyi i praciahu kanstruktyŭnaha dyjałohu na ŭsich uzroŭniach. Tolki tady padychod adpaviadaje intaresam adzinaj Jeŭropy i ŭmacavańniu ahulnajeŭrapiejskich kaštoŭnaściaŭ».
Raniej u intervju bielhijskamu vydańniu EUObserver ministr zamiežnych spraŭ Šviecyi Karł Bilt zajaviŭ, što Alaksandru Łukašenku i dziasiatkam aficyjnych asob, adkaznych za represii paśla vybaraŭ, budzie zabaronieny ŭjezd u krainy Jeŭrasajuza.
Aprača taho, pavodle źviestak niamieckaj haziety Suddeutsche Zeitung, aficyjny Bierlin taksama zaklikaŭ ES viarnucca da palityki sankcyj u dačynieńni da Biełarusi.
Misija BDIPČ ABSIE pryznała, što prezidenckija vybary ŭ Biełarusi, jakija prajšli 19 śniežnia, nie adpaviadajuć demakratyčnym standartam. Žorstki razhon akcyi apazicyi viečaram 19 śniežnia ŭ Minsku byŭ rašuča asudžany krainami Zachadu i mižnarodnymi arhanizacyjami.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary