Litva «vykarystoŭvaje ŭsie srodki, kab Biełaruś nie začyniała dźviarej Jeŭropie i nie išła da samaizalacyi»,
zajaviŭ ministr zamiežnych spraŭ Litvy Aŭdronius Ažubalis 4 studzienia ŭ Vilni padčas
Pavodle jaho słoŭ, Litva pravodzić šmatlikija kansultacyi jak z kalehami pa ES, tak i ź Biełaruśsiu i robić usio,
kab Biełaruś «nie zamykałasia ŭ sabie».
Aficyjnaja Vilnia admaŭlajecca akreślić svaju pazicyju pa mahčymym uviadzieńni sankcyj suprać biełaruskaha kiraŭnictva, adnak, jak padkreślivaje Ažubalis, z pavahaj stavicca da ŭsich adpaviednych prapanoŭ inšych dziaržaŭ ES.
«Hałoŭnaje — znajści ahulnaje staŭleńnie da padziej u Biełarusi i adziny adekvatny adkaz na padziei ŭ Biełarusi», — zaznačyŭ jon, pry hetym jašče raz padkreśliŭšy, što važna «pakinuć dźviery dla Biełarusi adčynienymi».
Rašeńnie ab dalejšaj palitycy Brusiela ŭ dačynieńni da Minska budzie pryniata 31 studzienia na naradzie ministraŭ zamiežnych spraŭ krain ES. «Jakaja budzie hetaja ahulnaja pazicyja, jakija buduć sankcyi — prahnazavać nie mahu», — zajaviŭ Ažubalis.
Litva pieražyvaje stadyju intensiŭnych unutranych dyskusij ab pierśpiektyŭnaści ciapierašniaj źniešniaj palityki, u tym liku ŭ dačynieńni da Biełarusi.
Napiaredadni prezident Litvy Dala Hrybaŭskajcie vymušana była adkazvać na krytyku svajho papiarednika Vałdasa Adamkusa za «katastrofu», jakaja napatkała palityku Litvy ŭ dačynieńni da Biełarusi paśla aktyvizacyi kantaktaŭ pamiž kiraŭnikami dźviuch krain. Hrybaŭskajcie praz
Kamientary