U Frunzenskim rajonie Miensku źnikli tysiačy vybarcaŭ

Minski haradski vykanaŭčy kamitet,
Centralnaja vybarčaja kamisija
Prezidyum Minskaha haradskoha Savieta deputataŭ
Prakuratura h. Minska
Administracyja prezidenta
Łahvinca Alaksandra Ivanaviča,
jaki pražyvaje pa adrasie:
h. Minsk 220019 vuł. Čajłytki d. 13 kv. 47

Kopija: Haziety «Naša Niva», «Narodnaja vola», «Biełorusy i rynok», «Tovariŝ», «KP v Biełoruśsii» «Źviazda», «SB», Radyjo «Svaboda» i inš ŚMI, OSCE Office in Minsk.

ZAJAVA

Źviartaju vašuju ŭvahu, što pavodle aficyjnaj infarmacyi kolkaść vybarcaŭ u Frunzienskim rajonie h. Minska za pieryjad ad miascovych vybaraŭ sakavika 2003 h. da miascovych vybaraŭ 14 studzienia 2007 h. źmienšyłasia na 13.659 čałaviek (hł. Dadatak 1), a ŭ Frunzienskim rajonie, dzie štohod uvodzicca kala 40% novaha staličnaha žylla, naličvajecca minimum (!!!) 94 novych šmatkvaternych damoŭ, zasielenych paśla 2003 h. (hł. Dadatak 2). Kali ŭziać siaredniuju kolkaść kvateraŭ u kožnym novym domie (120) pamnožyć na minimum (!!) 2 darosłych na kvateru (120ch2ch94 = 22.560) i dadać bolš za 2.500 kolkaść vybarcaŭ u byłoj vioscy Kuncaŭščyna, dałučanaj paśla 2003 h. da h. Minska, dyk atrymlivajecca, što ŭ Frunzienskim rajonie h. Minska za paznačany pieryjad źjaviłasia bolš za 25.000 novych vybarcaŭ. Heta aznačaje, što pavodle aficyjnaj infarmacyi za pieryjad 2003-2006 hh. u Frunzienskim rajonie stała mienš na amal 39.000 (13.659+25.000) vybarcaŭ.

U tym vypadku, kali takoje stanovišča abumoŭlenaje imklivym rostam śmiarotnaści darosłaha nasielnictva, što žyli tut da 2003 h., a taksama masavaj mihracyjaj 15-17-hadovych žycharoŭ Frunzienskaha rajona h. Minska, što žyli tut da 2003 h. i jakija na 14 studzienia 2007 h. buduć mieć prava hałasavać, prašu (1) prainfarmavać hramadskaść pra praŭdu ciažkich strataŭ nasielnictva i rastłumačyć ich pryčyny, (2) pryciahnuć da adkaznaści asobaŭ, vinavatych u daviadzieńni da takoj nadzvyčajnaj situacyi i zatojvańni hetaj infarmacyi, (3) abjavić Frunzienski rajon stalicy zonaj demahrafičnaha biedstva, (4) pastavić demahrafičnuju situacyju ŭ dadzienym rajonie pad asabisty kantrol adpaviednych strukturnych kiraŭnikoŭ u dziaržavie i (5) źviarnucca pa terminovuju humanitarnuju dapamohu da mižnarodnaj supolnaści.

U tym vypadku, kali takoje stanovišča abumoŭlenaje sprobaj naŭmysnaha zanižeńnia kolkaści vybarcaŭ (20%, a chutčej za ŭsio navat 25% poŭnahadovych hramadzianaŭ pa Frunzienskim rajonie nie ŭličanyja ŭ jakaści vybarcaŭ!!!), prašu (1) pierahladzieć ciapierašni miechanizm farmavańnia śpisaŭ vybarcaŭ, jaki niepaźbiežna stvaraje hlebu dla takich złoŭžyvańniaŭ z boku vykanaŭčaj ułady, (2) vyśviatlić pryčyny nieŭniasieńnia ŭ śpisy vybarcaŭ vielizarnaj kolkaści hramadzianaŭ, (3) pryciahnuć, na padstavie Artykuła 192 Kryminalnaha kodeksu Respubliki Biełaruś, da kryminalnaj adkaznaści asobaŭ, vinavatych u padačy iłžyvaj infarmacyi, (4) pieraličyć kolkaść vybarcaŭ u Frunzienskim rajonie h. Minska, usiebakova prainfarmavaŭšy pra heta hramadskaść, i (5) z ulikam dziejnaha zakanadaŭstva, a ŭ pryvatnaści Artykuła 15 Vybarčaha kodeksu, pavodle jakoha «Vybarčyja akruhi ŭtvarajucca z prykładna roŭnaj kolkaściu vybarščykaŭ: adchileńnie kolkasci vybarščykaŭ u vybarčaj akruzie ad siaredniaj kolkasci vybarščykaŭ, jakija prypadajuć na vybarčuju akruhu pa vybarach u dadzieny miascovy Saviet deputataŭ, nie moža pieravyšać 10 pracentaŭ», admianić Rašeńnie Minskaha haradskoha Savieta deputataŭ ab kolkaści vybarčych akruhaŭ pa h. Minsku i ab siaredniaj kolkaści vybarcaŭ na akruhu jak supiarečnaje dziejnamu zakanadaŭstvu i dyskryminacyjnaje ŭ dačynieńni da žycharoŭ Frunzienskaha rajona h. Minska i, adpaviedna, Rašeńnie ad 20 kastryčnika 2006 № 1 Minskaj haradskoj vybarčaj kamisii pa vybarach deputataŭ Minskaha haradskoha Savieta deputataŭ.

17 listapada 2006 h.

Łahviniec A.I.
Kiraŭnik inicyjatyŭnaj hrupy pa zboru podpisaŭ u padtrymku vyłučeńnia kandydatam u deputaty Minskaha haradskoha Savieta deputataŭ

Dadadak 1.

Krynica: «Minskij kuŕjer» za 11.12.2002 h. i 24.10.2006 h.

Dadatak 2

Śpis novych damoŭ u Frunzienskim rajonie, zasielenych paśla 2003 h.

Vulicy:

Adzincova – damy № 1 (k. 2), 3 (k. 2), 7; 97, 99, 44, 46, 48, 52, 115, 119.
Adojeŭskaha – dom № 54a.
Akademika Fiodarava – dom № 3.
Bieruta – damy № 15 (k. 1, 2).
Burdziejnaha – damy № 10, 14, 18.
Łabanka – damy № 14, 18, 20, 78, 88.
Laščynskaha – damy № 31 (k. 1, 2, 3)., 33 (k. 1, 2), 35, 37, 39, 49, 51, 53, 55,
Mazurava – damy № 18, 20.
Matusieviča – dom № 90.
Prytyckaha – damy № 41, 43, 45, 47, 60b, 89.
Skrypnikava – damy № 3, 4, 14, 16, 19, 25, 27, 35, 34, 36, 40, 42, 46, 48.
Sucharaŭskaja – damy № 12, 14, 27, 52, 54, 56, 58, 60, 62
Cimašenki – damy № 28, 30, 32.
Čajłytki – damy № 11, 17, 19, 21.
Šamiakina - dama № 5, 7, 11
Šaranhoviča – damy № 45, 53, 55, 57, 59 (k. 1, 2), 61, 63 (k. 1, 2); 62, 64, 66, 70, 74.
Jakuboŭskaha – damy № 74, 78.
Jankoŭskaha – damy № 4, 6.
Byłaja vioska Kuncaŭščyna: vulicy Brykieta; Vałožynskaja; Ivianieckaja; Akademika Vyšeleskaha; Akademika Žabraka. Zavułki: Akademika Vyšeleskaha; Akademika Žabraka.

Krynica dła paraŭnańnia, dzie pieraličanyja damy dy ichnaja prynaležnaść da ŭčastkaŭ : «Minskij kuŕjer» za 25.12.2002 h. i 14.11.2006 h.

• 0
• 0
• 0
• 0
• 0
• 0
• 0
• 0