1 lutaha na 12,5% pavyšajecca taryf na tranzit nafty pa biełaruskaj terytoryi
paviedamlaje Ministerstva ekanomiki.
«Na padstavie Mietodyki (miechanizma) źmieny taryfaŭ na pasłuhi pa transparciroŭcy (tranzicie) nafty pa mahistralnych naftapravodach, raźmieščanych na terytoryi Respubliki Biełaruś, zaćvierdžanaj biełaruskaj i rasijskaj bakami», 29 śniežnia ministerstva pryniało adpaviednuju pastanovu № 192 («Ab taryfach na pasłuhi pa tranzitnaj transparciroŭcy nafty pa sistemie mahistralnych trubapravodaŭ pa terytoryi Respubliki Biełaruś»).
Akramia taho, «u suviazi sa źmienami ekanamičnych umoŭ pastaŭki nafty z Rasijskaj Fiederacyi i jaje transparciroŭki pa mahistralnych naftapravodach, raźmieščanych na terytoryi Respubliki Biełaruś», 30 śniežnia Minekanomiki pryniało pastanovu № 194 «Ab taryfach na pasłuhi pa transparciroŭcy nafty pa sistemie mahistralnych trubapravodaŭ respublikanskaha ŭnitarnaha pradpryjemstva „Homieltransnafta Družba“ i Navapołackaha respublikanskaha ŭnitarnaha pradpryjemstva pa transparcie nafty „Družba“ na terytoryi Respubliki Biełaruś», jakaja praduhledžvaje pavieličeńnie z 1 lutaha taryfaŭ na transparciroŭku nafty na 12,5% «u adnosinach da ŭzroŭniu 2010 hoda».
Raniej paviedamlałasia ab pavyšeńni na 2,5% taryfu na tranzit naftapraduktaŭ pa terytoryi Biełarusi z Rasii. Z 1 studzienia jon składaje 1,64 dołara za tonu, pieramieščanuju na 100 km.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary