Dałučeńnie Biełarusi da Kijockaha pratakołu, jaki byŭ zadumany jak mechanizm skaračeńnia parnikovych vykidaŭ, moža pryvieści da supraćlehłych vynikaŭ, – ličać u pryrodaabarončaj arhanizacyi «Hrynpis».
Dałučeńnie Biełarusi da Kijockaha pratakołu, jaki byŭ zadumany jak mechanizm skaračeńnia parnikovych vykidaŭ, moža pryvieści da supraćlehłych vynikaŭ, – ličać u pryrodaabarončaj arhanizacyi.
Mahčymaść dałučeńnia Biełarusi da Kijockaha pratakołu abmiarkoŭvałasia ŭ dalokaj Kienii na mižnarodnaj kanferencyi pa źmianieńni klimatu, – paviedamlaje National Post.
Pryrodaabarončyja arhanizacyi zajavili ŭ stalicy Kienii Najrobi, što z dapamohaj Kijockaha pratakołu Biełaruś spadziajecca vykarystać ekanamičny spad na svaju karyść, zarablajučy na «kvotach» na vykid parnikovych hazaŭ.
Abjom parnikovych vykidaŭ u krainach byłoha SSSR źmienšyŭsia hałoŭnym čynam u 1990-ch, kali pačaŭsia zaniapad postsavieckaj ekanomiki. A pavodle Kijockaha pratakołu krainy mohuć pradavać svaje kvoty na parnikovyja vykidy, kali sami vykidajuć u pavietra parnikovych hazaŭ mienš, čymści ŭ 1990-m. I hetaj umovie respubliki byłoha SSSR akurat adpaviadajuć, voś tolki sprava tut nie ŭ śviadomym dbańni pra źnižeńnie vykidaŭ, a ŭ histaryčnych abstavinach, – ličać u pryrodaachoŭnych arhanizacyjach.
Nielha, kab Kijocki pratakoł staŭsia zakładnikam hetych abstavinaŭ, –zaklikali hrynpisaŭcy na kanferencyi ŭ Afrycy.
Na dumku pryrodaabaroncaŭ, dałučeńnie Biełarusi da Kijockaha pratakołu pryviadzie akurat da procilehłych vynikaŭ: prybytki ad prodažu kvotaŭ pojduć na raźvićcio ekanomiki j jak vynik – pavieličeńnie abjomu parnikovych vykidaŭ.
A heta budzie supiarečyć samoj sutnaści pratakołu, – pierakananyja ŭ Hrynpisie.
Fota Andreja Lankieviča
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary