Maci Maksima Dašuka paviedamiła, što z 9 studzienia jaje syn utrymlivajecca pad vartaj u Žodzina.
U hety dzień dadomu da Dašukoŭ pryjšoŭ śledčy Zinkievič z RUUS Savieckaha rajona Minska i pakazaŭ pastanovu ad 24 śniežnia 2010 hoda ab aryšcie nibyta za parušeńnie paradku adbyćcia pakarańnia.
Abstaviny aryštu M. Dašuka buduć vyśvietlenyja najbližejšym časam, bo vyznačany sudom termin adbyćcia pakarańnia skončyŭsia jašče ŭ vieraśni.
Nahadajem, što Maksim Dašuk — adzin ź fihurantaŭ «spravy
28 maja 2008 hoda sudom Centralnaha rajonu Minska pa art. 342 Kryminalnaha kodeksu — «hrupavyja dziejańni, jakija hruba parušajuć hramadski paradak». M. Dašuk byŭ asudžany na 1,5 hodu abmiežavańnia voli biez nakiravańnia va ŭstanovy adkrytaha typu; na momant razhladu spravy ŭ sudzie M. Dašuk byŭ niepaŭnahadovym. 23 lutaha 2009 h. Maksimu Dašuku było pradjaŭlena abvinavačvańnie pa art. 415 Kryminalnaha kodeksu (uchileńnie ad adbyćcia pakarańnia). 15 červienia hetaha ž hoda sud Maskoŭskaha rajonu stalicy pryhavaryŭ jaho da 1 hoda i troch miesiacaŭ abmiežavańnia voli biez nakiravańnia va ŭstanovy adkrytaha typu.
Heta anačaje, što termin abmiežavańnia voli M. Dašuka skončyŭsia ŭ vieraśni 2010 hoda.
Na jakich sapraŭdnych padstavach małady čałaviek uziaty pad vartu zaraz — bližejšym časam vyśvietlić advakat.
Maci Maksima Dašuka vykazvaje asablivuju zakłapočanaść stanam zdaroŭja syna, śćviardžajučy, što ŭ Maksima zachvorvańnie, niesumiaščalnaje sa znachodžańniem pad vartaj.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary