12 studzienia nabyli moc papraŭki ŭ KoAP, jakija ŭzmacniajuć adkaznaść za parušeńni šerahu pałažeńniaŭ PDR.
12 studzienia ŭ Biełarusi nabyli moc papraŭki ŭ Kodeks ab administracyjnych pravaparušeńniach, jakija ŭzmacniajuć adkaznaść za parušeńni šerahu pałažeńniaŭ Praviłaŭ darožnaha ruchu.
Jak paviedamiła staršy inśpiektar pa asablivych daručeńniach upraŭleńnia DAI MUS Hanna Banadyk, parušeńnie praviłaŭ spynieńnia abo stajanki transpartnych srodkaŭ paciahnie štraf u pamiery 1 bazavaj vieličyni (1 bazavaja vieličynia — 35 tysiač rubloŭ), a paŭtornaje parušeńnie na praciahu hoda — 2 bazavyja vieličyni. Parušeńnie praviłaŭ spynieńnia abo stajanki hruzavoha aŭtamabila z technična dapuščalnaj ahulnaj masaj bolš čym 3,5 tony abydziecca kiroŭcuŭ 5 bazavych vieličyń, a paŭtornaje parušeńnie na praciahu hoda — 10 bazavych vieličyń. Raniej štraf byŭ adziny dla ŭsich — 1 bazavaja vieličynia.
Štraf za kiravańnie transpartnym srodkam kiroŭcam, nie pryšpilenym remieniem biaśpieki, i za pieravozku pasažyraŭ nie pryšpilenymi składzie da 1 bazavaj vieličyni. Heta pałažeńnie było i ŭ minułaj redakcyi KoAP. Navina zaklučajecca va ŭviadzieńni štrafu za paŭtornaje parušeńnie na praciahu hoda — ad 2 da 5 bazavych vieličyń.
Parušeńnie asobaj, jakaja kiruje transpartnym srodkam, praviłaŭ karystańnia radyjo- i telefonnaj suviaźziu padčas ruchu paciahnie za saboj
štraf u pamiery ad 2 bazavych vieličyń.
Novym tut taksama źjaŭlajecca adkaznaść za paŭtornaść parušeńnia. Štraf — ad 2 da 8 bazavych vieličyń.
Novyja pamiery štrafaŭ ustanoŭlenyja za pieravyšeńnie chutkasnych režymaŭ. Za pieravyšeńnie ŭstanoŭlenaj chutkaści ad 20 da 30 km/hadz štraf składzie ad 1 da 3 bazavych vieličyń. Da 12 studzienia — ad 1 da 2 bazavych vieličyń.
Štraf za pieravyšeńnie chutkaści na 30 km/hadz i bolš — ad 3 da 10 bazavych vieličyń. Było — ad 2 da 10 bazavych vieličyń.
Za paŭtornaje na praciahu hoda pieravyšeńnie chutkaści bolš čym na 20 km/hadz i bolš čym na 30 km/hadz štraf składzie ad 5 da 15 bazavych vieličyń. Da 12 studzienia — ad 4 da 15 bazavych vieličyń.
Nievykanańnie patrabavańniaŭ sihnałaŭ śviatłafora i rehuliroŭščyka akramia jak na čyhunačnym pierajeździe abo parušeńnie praviłaŭ prajezdu skryžavańnia paŭtorna na praciahu hoda paciahnie štraf u pamiery ad 3 da 10 bazavych vieličyń.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary