Kančatkovaja spravazdača pa katastrofie samalota Kačynskaha

Rasieja pieradała polskamu boku kančatkovuju spravazdaču Miždziaržaŭnaha avijacyjnaha kamitetu (MAK) ab vynikach raśśledavańnia avijakatastrofy samalota prezydenta Polščy pad Smalenskam 10 krasavika 2010 hodu.

Miždziaržaŭny avijacyjny kamitet (MAK) pryjšoŭ da vysnovy, što hałoŭnaj pryčynaj katastrofy samalota prezydenta Polščy Lecha Kačynskaha staŭ čałaviečy faktar — pamyłki ekipažu i cisk na jaho z boku vysokapastaŭlenych pasažyraŭ.

«Niepasrednymi pryčynami katastrofy źjavilisia: niepryniaćcie ekipažam svoječasovaha rašeńnia ab zychodzie na zapasny aeradrom pry nieadnarazovaj i svoječasova atrymanaj infarmacyi ab faktyčnych meteaŭmovach na aeradromie „Smalensk-Paŭnočny“, značna horšych za ŭstanoŭleny dla hetaha aeradroma minimum»,

— skazała staršynia MAK Taćciana Anodzina na presavaj kanferencyi ŭ ahienctvie «Interfaks» 12 studzienia.

Na pryniaćcie rašeńnia ekipažam ab pasadcy pavietranaha sudna mahła paŭpłyvać prysutnaść u kabinie hałoŭnakamandujučaha Vajenna-pavietranych siłaŭ Polščy, paviedamiła Anodzina. Pavodle jaje, u kryvi hałoŭnakamandujučaha VPS Polščy było vyjaŭlena 0,6 pramile etyłavaha śpirtu.

U spravazdačy MAK havorycca, što

ekipaž Tu-154 bajaŭsia nehatyŭnaj reakcyi prezydenta Ł. Kačynskaha ŭ vypadku zychodu na zapasny aeradrom.

«Pa materyjałach techničnaj kamisii i niezaležnych ekspertaŭ, u vypadku zychodu na zapasny aeradrom kamandzir moh čakać nehatyŭnaj reakcyi hałoŭnaha pasažyra», — zajaviła T. Anodzina.

«Systemnymi pryčynami katastrofy samalota Tu-154 M Respubliki Polšča źjavilisia istotnyja niedachopy ŭ arhanizacyi lotnaj pracy, padrychtoŭcy členaŭ ekipaža i pry zabieśpiačeńni dadzienaha admysłovaha važnaha palotu ŭ specyjalnym avijapałku», — adznačyła staršynia MAK.

«Padčas palotu ekipaž nieadnarazova atrymlivaŭ infarmacyju ab nieadpaviednaści meteaŭmovaŭ na aeradromie pryznačeńnia. Niahledziačy na heta, ekipaž samalota Tu-154 rašeńnie ab zychodzie na zapasny aeradrom nie pryniaŭ. Heta možna ličyć pačatkam ekstranaj sytuacyi na borcie», — padkreśliła jana.

Aryhinały bartavych samapiscaŭ i frahmenty samalota MAK pieradaŭ u śledčy kamitet Rasiei. Spravazdača MAK budzie apublikavanaja.

Prem'jer-ministar Polščy Donald Tusk paśla publikacyi pryčyn katastrofy samalota prezydenta Polščy Lecha Kačynskaha Miždziaržaŭnym avijacyjnym kamitetam (MAK) pierapyniŭ svoj adpačynak i viartajecca ŭ Varšavu.

• 0
• 0
• 0
• 0
• 0
• 0
• 0
• 0