U milicyi i KDB praciahvajecca dopyt karystalnikaŭ mabilnych telefonaŭ aperataraŭ MTS i VELCOM, znachodžańnie jakich było zafiksavanaje ŭ miescy praviadzieńnia akcyi pratestu 19 śniežnia.
Siońnia ŭ milicyju vyklikany aktyvist Maładoha frontu Michaś Butylin. Siłaviki dapytvajuć navat niepaŭnahadovych, nie šukajučy zhody ich baćkoŭ.
Aktyvistka Maładoha frontu Vika Ładzis maje 15 hod, ale śledčyja KDB damahlisia jaje dopytu. Vika Ładzis paviedamlaje jak heta adbyvałasia:
«Mianie vyklikali ŭ KDB na što ja im adkazała, što mnie niama 18 hod, a tolki 15. Na heta jany mnie adkazali, kab ja prychodziła ŭ KDB, bo jość taki zakon, pavodle jakoha ja mahła być na dopycie z 14 hod biez prysutnaści baćkoŭ ci inšych ludziej. Pakolki ja chvareła, to supracoŭnik KDB pryjšoŭ da mianie dachaty i raspytvaŭ pra Nastu Pałažanku, cikaviŭsia chto jakija pasady zajmaje ŭ Maładym froncie, kolkaść aktyvistaŭ i hetak dalej».
Uładalnikaŭ telefonaŭ, zafiksavanych u rajonie padziejaŭ 19 śniežnia, dziesiatki tysiač. Kab dapytać u KDB i milicyi ŭsich, supracoŭniki spesłužbaŭ i milicyi ŭ metadach nie abmiažoŭvajucca, kaža pravaabaronca Nasta Łojka:
U supracoŭnikaŭ śledčaj hrupy vielmi šmat pracy i jany nie vykonvajuć šerah pracesualnych normaŭ, asabliva tych, jakija tyčacca vykliku hramadzian na dopyty. Usich, kaho ja viedaju, vyklikajuć praz telefon. A kali čałaviek pačynaje patrabavać pozvu, to jamu pačynajuć pahražać i balšynia, na žal, pahadžajucca. I zaraz kryminalny vyšuk całkam zajmajecca tym, što abtelefanoŭvaje hetych ludziej. Nakolki ja viedaju, tam vielmi vialikaja śledčaja hrupa supracoŭnikaŭ roznych struktur i ŭźnikaje pytańnie —
a chto ž budzie raśśledavać zvyčajnyja złačynstvy?I što budzie adbyvacca ŭ krainie ŭ sytuacyi, kali amal usie śledčyja nakiravanyja na palityčnuju spravu».
Vyklik na dopyt niepaŭnahadovych bieź viedama i zhody ich baćkoŭ — hrubaje parušeńnie dziejnaha zakanadaŭstva,
zajaŭlaje pravaabaronca i juryst Aleh Voŭčak:
«U mianie takoje ŭražańnie, što ułada skazała KDB, MUS i ŭsim astatnim — što chočacie, toje i rabicie — całkam pajšła ŭ pravavuju anarchiju. Kali dziciaci — heta čałavieku da 18 hod — patelefanavali z prapanovaj kudyści źjavicca, to jon pavinny paviedamić svoj uzrost, zapisać imia i kantakty hetaha supracoŭnika i paviedamić pra heta baćkam. Kali pryjšli ŭ škołu, što ŭžo pačało taksama praktykavacca, to adrazu treba paviedamlać dyrektaru i patrabavać, kab vyklikali baćkoŭ. Dzicia nie pavinna davać nijakich pakazańniaŭ ci tłumačeńniaŭ pa 19 śniežnia ci jakomu jašče vypadku, bo heta pavinna pravodzicca ŭ prysutnaści sacyjalnaha pedahoha i zakonnaha pradstaŭnika, tym bolš pavodle takich važnych spravach. Zaraz pavinnyja być pilnyja nia tolki darosłyja, ale i dzieci»
Kamientary