Debiutanty turniru ź nievialikaj astraŭnoj afrykanskaj dziaržavy i z pryjemnym biełaruskamu voku nacyjanalnym ściaham zdoleli adabrać bały ŭ dziejnych čempijonaŭ Jeŭropy — sustreča zakončyłasia nulavoj ničyjoj.
Zbornaja Ispanii, jak i naležała joj pavodle statusu, amal uvieś matč vałodała pieravahaj: ispancy kantralavali miač 74% času, nanieśli 27 udaraŭ pa varotach spabornika suprać šaści ŭ Kaba-Verde, a taksama padali 11 vuhłavych. Adnak futbalisty afrykanskaj zbornaj usio ž taki vystajali ŭ abaronie i nie dazvolili favarytu matču nivodnaha razu zabić.
Dla kamandy Kaba-Verde, jakaja maje nasielnictva ŭsiaho kala 583 tysiač čałaviek, heta pieršy ŭdzieł u finalnaj stadyi čempijanatu śvietu i adpaviedna pieršy bał, zdabyty na mundyjalach.
Pry hetym zorny napadnik zbornaj Ispanii Mikiel Ajarsabal za pieršyja 30 chvilin matča ŭvohule ni razu nie dakranuŭsia da miača. I heta prytym, što pierad turniram jaho nazyvali adnym z hałoŭnych pretendentaŭ na zvańnie najlepšaha bambardzira čempijanatu.
Pierapynki «dla hidratacyi» na čempijanacie śvietu razdražniajuć nie tolki vas
Ničyja Niderłandaŭ, pieramoha Kot dJIvuara i bujnaja pieramoha Šviecyi
«Ich Valeryj Lavonćjeŭ treniruje?» Sacsietki rahočuć i zachaplajucca leapardavymi kaściumami futbalistaŭ zbornaj Konha
Maroka zhulała ŭničyju z Brazilijaj, Šatłandyja vyjhrała ŭ Haici
Italjancaŭ aburyŭ kamientar prezidenta FIFA adnosna nieprysutnaści ich futbolnaj zbornaj na čempijanacie śvietu
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi4
Kamientary
Bo Kaba-Verde ŭ 7-m dziasiatku, a hispancy pierad hulnioj byli 2-ja ŭ suśvietnym rejtynhu. Jany razhramili svaju adboračnuju hrupu (tych ža turak 6-0) i viasnoju treniravalisia na padobnych kamandach, jakija musiać ź imi hrać "aŭtobus".