Miesiac skončyŭsia dla redakcyi «NN» na kołach - 30 listapada čarhovyja sustrečy z čytačami prajšli ŭ Białyničach dy Mahilovie.
Miesiac skončyŭsia dla redakcyi «NN» na kołach – 30 listapada čarhovyja sustrečy z čytačami prajšli ŭ Białyničach dy Mahilovie. Heta była nia tolki impreza, pryśviečanaja stahodździu hazety - u Mahilovie ŭručyli štohadovuju premiju časopisu «ARCHE» – «Za sumlennaje słova». Jaje sioletni laŭreat, haradzienski krytyk Daniła Žukoŭski, dabiraŭsia da Mahilovu praz usiu Biełaruś.
Sustreča ŭ Białyničach była kamernaj, prachodziła ŭ pryvatnym domie. Ścisłaja hutarka (čas padciskaŭ – treba było śpiašacca ŭ Mahiloŭ), niajarkaje śviatło, harbata, piečyva. Naviednikaŭ cikaviła, čaho vartaja ideja udzielničać u miascovych vybarach, a taksama čaho čakać ad novaha Kanhresu demakratyčnych siłaŭ. Ludzi zapytvalisia, čakajučy jasnaha adkazu na hetyja zabłytanyja pytańni. U ich vačach byŭ spadzieŭ na hazetu, jak na apošniaha daradcu, jaki dapamoža razabracca ŭ zabłytanaj apazycyjnaj palitycy.
Niahledziačy na ładnaje spaźnieńnie praz pałomku aŭtamabila, hramada ŭ Mahilovie ciarpliva dačakałasia pryjezdu haścioŭ. Zala była paŭniutkaja – na sustreču pryjšło bolš za 80 čałaviek. Najbolš – maładyja tvary.
Paśla aficyjnaj častki dy śpiavańnia našaniŭskaha himnu «Nie zahasnuć zorki ŭ niebie» ŭ kielichi paliłosia šampanskaje. Andreja Dyńka abkružyli chłopcy, pytajučysia pra palityku dy budučyniu hazety, Andrej Chadanovič uziaŭ na siabie nacisk dziaŭčataŭ, jakija railisia z paetam pra słušnaść vykarystańnia trasianki ŭ lirycy.
Choć nasamreč tolki dva čałavieki sa stałaha redakcyjnaha kalektyvu (Andrej Dyńko dy Aleś Kudrycki) vybralisia ŭ vandroŭku, virtualna na sustrečy z čytačami prysutničała amal usia redakcyja: u Białyničach dy Mahilovie prajšła premjera dakumentalnaha filmu «Naša Niva i našaniŭcy».
Hetyja dźvie sustrečy z čytačami ŭ byli duža roznymi pa formie, ale padobnymi pa atmasfery. Nie pašancavała chiba što žurnalistam, jakija pačali aktyŭna telefanavać, sprabujučy atrymać kamentar u novaha laŭreata premii «ARCHE», jaki ŭsialak unikaŭ razhornutych kamentaroŭ dy vyražeńnia svaich emocyjaŭ. Taki jon, Daniła Žukoŭski.
Ciapier čytajuć
Viadučy STB Raman Pratasievič pabraŭsia šlubam trecim razam33
Kamientary