Astapovič Łatušku: Spynicie rujnavańnie i pakarajcie vinavatych
Pačali znosić budynki pieršaj minskaj elektrastancyi. Staršynia Tavarystva achovy pomnikaŭ Anton Astapovič napisaŭ adkryty list da ministra kultury.
Pačaŭsia znos budynkaŭ pieršaj minskaj elektrastancyi. Staršynia Tavarystva achovy pomnikaŭ Anton Astapovič źviarnuŭsia z adkrytym listom da ministra kultury.
U minułyja vychodnyja pačaŭsia znos pomnika architektury kanca XIX st. — kompleksu budynkaŭ pieršaj minskaj ciepłaelektrastancyi. Pravodzić pracy STAA «Elit Estejt». Na hetym miescy budzie zbudavany hatelny kompleks «Kiempinski», płany pra źjaŭleńnie jakoha byli ahučanyja jašče ŭ vieraśni 2009 h. Tady ŭ presie źjaviłasia infarmacyja pra mahčymy znos pomnika architektury. Dziakujučy rozhałasu razbureńnie stancyi ŭdałosia adciahnuć. U studzieni 2010 h. Ministerstva kultury zajaviła, što nie vyklučaje mahčymaści zachavańnia histaryčnych budynkaŭ pieršaj minskaj elektrastancyi i adaptacyju ich u budučy hatelny kompleks. Tady Respublikanskaja navukova-mietadyčnaja rada pa pytańniach historyka-kulturnaj spadčyny pry Minkultury nie znajšła pravavoha abhruntavańnia dla vyklučeńnia byłoj elektrastancyi ź Dziaržśpisu historyka-kulturnych kaštoŭnaściaŭ. Adnačasova siabry Rady pryznali mahčymym pabudovu ŭ rajonie cyrka hatelnaha kompleksu pry ŭmovie «rekanstrukcyi z restaŭracyjaj aznačanaha pomnika, abmiežavańniaŭ pa vyšyni płanujemych zbudavańniaŭ i vykanańnia mižnarodnych rehłamientaŭ».
I voś praz hod pačałosia razbureńnie pomnika architektury, sankcyjanavanaje Ministerstvam kultury, jak vynikaje z adkrytaha lista staršyni Biełaruskaha dobraachvotnaha tavarystva achovy pomnikaŭ historyi i kultury Antona Astapoviča da ministra kultury. U im
jon abvinavačvaje viedamstva Paŭła Łatuški ŭ niezakonnym dazvole na razbureńnie budynkaŭ byłoj stancyi, bo pavodle zakonu taki dazvoł moža vydać tolki Saviet ministraŭ.I tolki ŭ vypadku, kali nieabchodnaść takich dziejańniaŭ «vyklikanaja praviadzieńniem mierapryjemstvaŭ pa likvidacyi vynikaŭ stychijnych biedstvaŭ, katastrof, vajennych dziejańniaŭ», — adznačaje ŭ liście da ministra Anton Astapovič. Jon zaklikaje Paŭła Łatušku anulavać rašeńnie pa znosie budynkaŭ stancyi i žorstka pakarać adkaznych za pryniaćcie niezakonnaha rašeńnia.
***
Kompleks budynkaŭ byłoj elektrastancyi źjaŭlajecca ŭnikalnym dla Biełarusi ŭzoram pramysłovaj architektury. Znachodzicca ŭ Dziaržaŭnym śpisie historyka-kulturnych kaštoŭnaściaŭ, adnosicca da 3-j katehoryi materyjalnych nieruchomych historyka-kulturnych kaštoŭnaściej.
Stancyja była pabudavanaja ŭ 1895 hodzie. Składałasia ź dźviuch paravych mašyn mahutnaściu 50 i 100 konskich sił z tryma dynama-mašynami pastajannaha toku napružańniem 120 volt i tokam 250 ampier kožnaja. Spačatku stancyja zabiaśpiečvała elektryčnaściu centralnuju častku horada. Pobač sa stancyjaj byŭ zbudavany hatel u styli madern, jaki nie adno dziesiacihodździe vykarystoŭvaŭsia minskim cyrkam. Adznačym taksama, što budynki pieršaj staličnaj elektrastancyi byli ŭlubionymi abjektami tvorčaści minskich mastakoŭ-hrafikaŭ — A. Tyčyny, A. Astapoviča, M. Druščyca, P. Hutkoŭskaha dy inš.
Pašpart Novaj Biełarusi pačnuć vydavać z 26 studzienia. Što viadoma i jak atrymać?60
Kamientary