«Hałoŭnaje — žyvy kantakt ź ludźmi, naprykład, u cechach, u dvarach, VNU».
«Hałoŭnaje — žyvy kantakt ź ludźmi, naprykład, u cechach, u dvarach, VNU», — upeŭnieny Radźkoŭ.Ab hetym zajaviŭ pieršy namieśnik kiraŭnika Administracyi prezidenta Alaksandr Radźkoŭ 10 sakavika na naradzie ideałahičnaj viertykali ŭ Minharvykankamie.
Pavodle słoŭ Alaksandra Radźkova, stanoŭčy ideałahičny efiekt možna atrymać nie tolki ad vystupleńniaŭ ideałahičnych rabotnikaŭ u vialikich aŭdytoryjach. Pra heta paviedamiła łukašenkaŭskaje ahienctva BiełTA.
Radźkoŭ nazvaŭ klučavyja napramki, jakija važnyja siońnia ŭ rabocie ideołahaŭ. Heta Internet, moładź i pradprymalniki.«Internet zapatrabavany ŭ nasielnictva. Sacyjalnyja sietki pryciahvajuć moładź i akazvajuć na jaje ŭpłyŭ. Tamu elektronnyja nośbity pavinny stać adnym sa składalnikaŭ ideałahičnaj raboty», — ukazvaŭ Radźkoŭ.
Na jaho dumku, bolš uvahi nieabchodna ŭdzialać pradprymalnikam. «Dyrektyva numar 4 daje mahčymaść pradprymalnikam raźvivać svoj biźnies. Ale my pavinny vychoŭvać u pradprymalnika hramadzianskuju pazicyju. Tamu što kłapociačysia ab prybytku, raźvivajučy svaju spravu, jon pavinien razumieć, što heta biźnies dla jaho krainy. A ŭ krainie pavinny być škoły, dziciačyja sady, palikliniki. Ideałahičnuju rabotu treba raźvivać nie tolki na pradpryjemstvach dziaržaŭnaj formy ŭłasnaści, ale i na pryvatnych».
Karaciej, vybar popryšča bahaty.
Cikava, kudy ideołahi pojduć z bolšaj achvotaj: u dvary, u internet ci na pryvatnyja pradpryjemstvy.U dvary možna i ŭ łob atrymać, kali paleźci z łukašenkaŭskaj prapahandaj. U internecie — prosta zaśmiajuć. A voś u pryvatnikaŭ zarobki salidnyja.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ6
Kamientary