Minskaj milicyi pakul nie ŭdałosia zatrymać hrupumachlaroŭ-hipnatyzioraŭ . Pra heta BiełaPAN paviedamiŭpres-sakratar HUUS Minharvykankama Alaksandr Łastoŭski.
Nahadajem, 12 sakavika ŭ ekstrannym paradku było abjaŭlena, što ŭ stalicy dziejničajuć niezvyčajnyja machlary. Jany, uvodziačy achviaru ŭ trans, pad vyhladam darahoha posudu prapanoŭvajuć nabyć falšyŭki, i ludzi pahadžajucca zrabić heta.
U toj ža čas, pavodle słoŭ Łastoŭskaha, 14 sakavika na sajt HUUS
pryjšło paviedamleńnie ad minčanki, babula jakoj napiaredadni ledź nie paciarpieła ad dziejańniaŭ machlaroŭ.
Jana raskazała, što siarod dnia na vulicy Surykava «dziejničała banda machlaroŭ, prapanoŭvajučy nabyć stałovy posud pa niedarahoj canie
Jak paviedamlałasia raniej, 11 sakavika ŭ milicyju źviarnuŭsia žychar Savieckaha rajona Minska, jaki raskazaŭ, što da jaho pad markaj realizacyi darahoha posudu pryjšoŭ niejki zamiežny hramadzianin. Pry hetym vizicior užyŭ hipnoz, i achviara aprytomnieła tolki paśla taho jak machlar syšoŭ.
Na rukach u paciarpiełaha apynuŭsia niezrazumiełaj jakaści posud, a ŭ machlara — prykładna paŭtary tysiačy dołaraŭ.
Milicyja zaklikaje hramadzian być pilnymi i papiaredžvaje, što takija machlarskija dziejańni ciažka dakazać, pakolki złačynca «vyciahvaje achviaru na psichałahičny kantakt, i jana sama addaje hrošy, dobraachvotna».
Kamientary