Heta — Macukievič, Šarstoŭ, Husielcaŭ. Ciapier u vyšuku ŭdzielnikaŭ padviedzienaja rysa.
Kamitetam dziaržaŭnaj biaśpieki Biełarusi padviedziena rysa ŭ praviadzieńni mierapryjemstvaŭ pa vyšuku i ŭstalavańniu asob, što spravakavali pahromy 19 śniežnia na płoščy Niezaležnaści Minska i prymali ŭ ich niepasredny ŭdzieł.Takoje paviedamleńnie źjaviłasia na sajcie dziaržaŭnaha ahienctva BIEŁTA sa spasyłkaj na centr infarmacyi i hramadskich suviaziaŭ KDB.
Paviedamlajecca, što 21 sakavika byli zatrymanyja try ŭdzielniki akcyi na płoščy Niezaležnaści.
Heta – V.Macukievič, A.Šarstoŭ, D.Husielcaŭ. Usie jany adnahodki, naradzilisia ŭ 1987 hodzie.
U paviedamleńni KDB havorycca, što śpiecsłužby majuć nieasprečnyja dokazy viny hetych ludziej. Maŭlaŭ, mienavita jany zaklikali da šturmu Doma ŭrada.
Macukievič znachodzicca ŭ SIZA KDB, a z Šarstova i Husielcava ŭziataja padpiska ab źjaŭleńni.
KDB taksama sprabuje abvierhnuć mierkavańni, što siarod tych, chto zaklikaŭ da pahromu ŭradavaha budynku, byli pravakatary z pravaachoŭnych orhanaŭ. I jak dokaz hetaha demanstruje fotki Macukieviča, Šarstova i Husielcava.
Kamientary