Jon projdzie ŭ kniharni «łohvinaŬ».
Jon projdzie ŭ kniharni «łohvinaŬ».
U krasavik u kniharni «łohvinaŬ» (Minsk, pr-t Niezaležnaści, 37A) projduć sustrečy z polskimi piśmieńnikami.
Čatyry tydni — čatyry aŭtary.
Michaś Adrasiuk (Michał Androsiuk). Naradziŭsia ŭ Padlaššy. Piša pa-biełarusku i pa-polsku. Apošnija knihi: pa-biełarusku — zbornik apaviadańniaŭ «Vulica dobraj nadziei», pa-polsku — zbornik «Wagon drugiej klasy». Asnoŭnaja tema — pryhody miestačkovych žycharoŭ. Padčas publičnych čytańniaŭ ułasnych tvoraŭ Michaś nie rasstajecca ź biejsbołkaj.
Ihnacy Karpovič (Ignacy Karpowicz). Naradziŭsia i žyvie na Biełastoččynie. Vypusknik Varšaŭskaha ŭniviersiteta, afrykanist i ispanist. Aŭtar šerahu ramanaŭ, adznačanych prestyžnymi litaraturnymi ŭznaharodami Polščy. Tema bolšaści ź ich — losy i śvietaadčuvańnie ludziej, jakim nakanavana žyć na biełaruska-polskim pamiežžy. A jašče Ihnacy razmaŭlaje pa-amcharsku (movie efiopaŭ).
Michał Jahieła (Michał Jagiełło). Naradziŭsia ŭ 1941 hodzie ŭ vioscy Jankovicy pad Krakavam. U 1964 hodzie skončyŭ Jahiełonski ŭniviersitet. Prazaik, eseist, publicyst i paet. Aŭtar manahrafij pa historyi litaratury. Śfiera intaresaŭ — šmatkulturnaść Polščy, a taksama supracoŭnictva ŭ śfiery kultury ź Biełaruśsiu, Litvoj, Słavakijaj i Ukrainaj. U 1989-2006 zajmaŭ pasady namieśnika ministra kultury Polščy, dyrektara Nacyjanalnaj biblijateki. Alpinist.
Lešek Enhielkinh (Leszek Engelking). Adzin z najviadomych polskich paetaŭ, pierakładčyk, mastactvaznaŭca. Skončyŭ Varšaŭski ŭniviersitet. Vykładaŭ litaraturu i kinaznaŭstva. Pierakładaje z anhielskaj, rasijskaj, češskaj, ukrainskaj i biełaruskaj. Aŭtar knih «Chajku ŭłasnyja i čužyja» (1991), «Piaty dom» (1997), «I inšyja vieršy». Žyć nie moža biez češskaha piva.
Raskład imprezaŭ «Miesiaca polskaj litaratury ŭ kniharni «łohvinaŬ»
31 sakavika (čaćvier). Paśla ŭračystaha adkryćcia adbudziecca sustreča z polskim piśmieńnikam biełaruskaha pachodžańnia Michasiom Andrasiukom i prezientacyja jaho knihi «Wagon drugiej klasy/Vahon druhoha kłasu». Pačatak a 18, Halereja «Ŭ».
6 krasavika (sierada). Sustreča z polskim piśmieńnikam Ihnacyjem Karpovičam i prezientacyja jaho novaha ramana «Balladyna i romance/Baładyna i ramansy». Pry ŭdziele pierakładčycy Maryi Martysievič. Pačatak a 19, kniharnia «łohvinaŬ».
13 krasavika (sierada). Sustreča z publicystam, piśmieńnikam, daśledčykam litaratury i jeŭrapiejskich kulturnych suviaziaŭ Michałam Jahiełam i prezientacyja jaho knihi «Narody i narodowości. Przewodnik po lekturach/Narody i nacianalnaści. Vandroŭka pa knihach». Pačatak a 19, kniharnia «łohvinaŬ».
20 krasavika (sierada). Tvorčaja lekcyja i sustreča ź viadomym paetam i polskim pierakładčykam Nabokava Lešekam Enhielkinham. Kniharnia «łohvinaŬ», pačatak a 19.
Viadoŭca ŭsich sustreč — Andrej Chadanovič.
Sustrečy adbyvajucca pry padtrymcy Polskaha Instytuta ŭ Minsku
Kamientary