Eks-kandydat u prezidenty Mikałaj Statkievič znachodzicca ŭ SIZA KDB užo bolš za try miesiacy. I ledź nie kožny dzień jaho hramadzianskaja žonka Maryna Adamovič piša jamu listy. U adkaz taksama atrymlivaje paviedamleńni — ale, vidać, daloka nie ŭsie.
Pryvodziacca vytrymki ź listoŭ, dasłanych Mikałajem Statkievičam Marynie Adamovič 23 i 31 studzienia, 9, 18 i 22 lutaha, a taksama 23 sakavika.
***
Pryvitańnie, majo małoje!
***
Ty pišaš, što taksama atrymała ad mianie dva listy. Nia viedaju, jakija kankretna heta listy z napisanych mnoju, tamu koratka pierakažu naviny.
***
Tak što pieradaj usim… ja spyniŭ haładoŭku: vychažu ź jaje, kab ludzi daremna nie chvalavalisia za mianie.
***
Psichałahična ja ŭ normie, bo nie zrabiŭ i nie zrablu ničoha, za što było b soramna.
***
Nie chvalujsia za mianie. Ja, biezumoŭna, jašče mužčynka dachlavaty, ale pastupova adnaŭlajusia. Jość drobnyja prablemki, jakija adna za druhoj źnikajuć. Usie sistemy arhanizmu pracujuć narmalna, što navat krychu dziŭna, uličvajučy moj stan naprykancy haładoŭki. Ale ž ty viedaješ našu parodu.
***
Pra što ja dumaju? Na pieršym miescy — pra blizkich mnie ludziej — ciabie, baćku, dziaciej. Pra ichniuju «spravu» nia dumaju ŭvohule.
***
Pra bytavyja prablemy — dla turmy dastatkova narmalnyja. Darečy — adzin susied vydatna hatuje sałaty. I ŭsiu harodninu, što vy pieradajacie, my ŭžyvajem.
***
Jak ty? Jak ty siabie adčuvaješ? Ci narmalna ty vysypaješsia, albo znoŭ pracuješ da pałovy nočy? U mianie ŭsio narmalna. Pacichu adnaŭlajusia.
***
Čytaju bibliju. Chutka skonču Stary zapaviet. Kali skonču čytać usiu knihu, možna budzie pieračytvać asobnyja častki. Hetu knihu možna čytać biaskonca.
***
Baćka da Saški chaj pakul nie jeździć. Chaj pačakaje pakul skončycca hryp.
***
A ciapier — samaje hałoŭnaje. Najbolšaja maja prablema tut — vaš stan. Tamu: spać 7–8 hadzinaŭ. Kali treba, to pierad snom vypivać 150 hram vina.
***
Dziakuj, majo małoje — tvaje listy vielmi ciopłyja i mnie vielmi pryjemna ich čytać. Ale ja, zdajecca, ciabie napałochaŭ i ty pierastała pisać, jak ty śpiš i što ŭ ciabie na pracy.
***
Dziakuj za pieradačy. Kipiacilnik na hety raz narmalny. Ciopłych rečaŭ bolej nie treba. Idzie ŭ chod harbata ŭ pakiecikach, što ty pieradała.
***
U mianie ŭsio narmalna. Zaraz stała bolš mahčymaściaŭ dla čytańnia — knihi i navat niekatoryja haziety. Chacia Stary zapaviet ja ŭsio ž taki dačytaŭ
***
Usio ž taki spadziajusia, što ty atramała majo vinšavańnie z dniom śviatoha Valancina.
***
Siońnia atrymaŭ ad Vas pasyłku — dziakuj vialiki. Usio vielmi smačna i da miesca. Pled, jaki «zajmieŭ» učora, taksama spatrebiŭsia.
***
Šmat čytaju. Šmat dumaju pra Vas, jak vy tam?
***
Dziakuj za vielmi ciopłyja listy — jany vielmi važnyja dla mianie, jak i lubaja reč, pieradadzienaja Vami siudy.
***
Pieradavaj pryvitańnie N. i ŭsim našym ahulnym znajomym. Dziakuj jamu, što dapamahaje Vam u zakupkach na bazary.
***
Zaraz dumaju, jak źniać z kartki hrošy za piensiju i pieradać Vam, bo mabyć płacić za kvateru ŭvieś čas adnoj dla Vas dastatkova nakładna.
***
Krychu pra zdaroŭje. Mabyć ty ŭžo viedaješ, u jakich abstavinach i
***
Adzin susied, ź jakim ja byŭ razam niekalki hadzin, padaravaŭ mnie svaje złamanyja akulary. Ja škielca da złamanaj dužki nitkami prymacavaŭ i tolki tak zdoleŭ pračytać Bibliju ź vielmi drobnym šryftam. Mo taho susieda padkinuŭ los dla hetaha ?
***
Usio ŭ nas budzie dobra.
-
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli
-
Minsku treba vydušyć ź siabie pravincyjnaść i viarnuć nachabstva i blask Vialikaha Horada
-
Kamu jašče što moža stać treba «dla nacyjanalnaj biaśpieki» i jak tut być Biełarusi
Kamientary