Za pieryjad 1999 — 2009 hh. kolkaść rasijcaŭ u Biełarusi źmienšyłasia na 356,6 tysiačy čałaviek (na 31%), ich dola ŭ ahulnaj kolkaści nasielnictva respubliki skaraciłasia z 11,4% u 1999 h. da 8,3% u 2009 h.Pra heta 31 sakavika paviedamiŭ Nacyjanalny statystyčny kamitet Biełarusi (Biełstat).
Pavodle dadzienych pierapisu nasielnictva Biełarusi 2009 hod, da rasijcaŭ adnieśli siabie 785 tys. čałaviek (kala 8% nasielnictva). «Pa abłaściach respubliki dola rasijcaŭ vahajecca ad 6,4% u Bresckaj vobłaści da 10,2% u Viciebskaj. Amal 85% rasijcaŭ pražyvała ŭ haradskich pasieliščach. Najbolš vysokaja dola rasijcaŭ adznačanaja ŭ ahulnaj kolkaści nasielnictva takich
Biełstat źviazvaje skaračeńnie kolkaści rasijcaŭ u Biełarusi «pierš za ŭsio sa stareńniem».Adznačajecca, što za 10 hadoŭ dola asobaŭ, starejšych za pracazdolny ŭzrost, u ahulnaj kolkaści rasijcaŭ pavialičyłasia na 11,4% i nabliziłasia da 33%.
«Razam z tym, dola dziaciej i padletkaŭ va ŭzroście da 16 hadoŭ siarod respandentaŭ, jakija padčas pierapisu adnieśli siabie da rasijcaŭ, istotna źniziłasia: z 15,2% da 7,4%, — adznačajuć składalniki spravazdačy. — Uličvajučy vysokuju ŭdzielnuju vahu starejšych uzrostavych hrup u ahulnaj kolkaści rasijcaŭ, možna vykazać zdahadku, što mieli miesca taksama pracesy ich asimilacyi, to bok naščadki imihrantaŭ, narodžanyja ŭ Biełarusi, padčas apošniaha pierapisu nasielnictva adnosili siabie da biełarusaŭ, što stała adnoj z pryčyn rostu ich doli ŭ ahulnaj kolkaści nasielnictva krainy».
«Źviartaje na siabie ŭvahu bolš vysoki ŭzrovień adukacyi rasijcaŭ. Dola asobaŭ z bolš vysokaj stupieńniu adukacyi siarod rasijcaŭ vyšejšaja, čym siarod biełarusaŭ.Tak, na 1000 čałaviek adpaviednaj nacyjanalnaści vyšejšuju adukacyju na momant pierapisu nasielnictva 2009 hoda mieli 312 ruskich suprać 168 biełarusaŭ. Razam z tym, pačatkovuju adukacyju mieli na 1000 čałaviek 119 biełarusaŭ i tolki 53 rasijcy», — adznačajuć aŭtary spravazdačy. Na ich dumku, pryčyny takoj situacyi — «imihracyja ŭ respubliku śpiecyjalistaŭ u paślavajenny pieryjad», a taksama vysoki adsotak biełarusaŭ, jakija z pryčyny ŭzrostu nie dasiahnuli bolš vysokaha ŭzroŭniu adukacyi.
«Pavodle dadzienych pierapisu nasielnictva 2009 hoda ŭ Respublicy Biełaruś pastajanna pražyvaje 83,6 tys. hramadzian Rasijskaj Fiederacyi, što składaje 2/3 ahulnaj kolkaści zamiežnych hramadzian, jakija pastajanna pražyvajuć u respublicy. Bolš za 90% rasijskich hramadzian prybyli ŭ našu krainu ŭ pieryjad da 2005 hoda. Amal 40% ź ich na momant pierapisu byli va ŭzroście 50 hadoŭ i starejšyja, — adznačajuć śpiecyjalisty Biełstata. — Rasijskaja mova źjaŭlajecca asnoŭnaj movaj nasielnictva Respubliki Biełaruś. Na joj zvyčajna razmaŭlaje doma 6 młn 673 tysiačy čałaviek, abo 70% nasielnictva krainy».
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary