«Pieršasny kod» Dunkana Džonza — šalny fantazijny trymcieńnik biez tarmazoŭ z Džejkam Džylenhałam u hałoŭnaje roli.
ZŠA — Francyja, 2011, kalarovy, 93 chv.
Režysior: Dunkan Džonz
Roli vykonvajuć: Džejk Džylenhał, Mišel Manahen, Viera Farmiha, Džefry Rajt, Majkł Arden
Žanr: Fantastyčny trymcieńnik
Adznaka: 7 (z 10)
Amierykanski piłot Kołter aprytomnievaje ŭ ciele pasažyra elektryčki, što budzie padarvanaja praz vosiem chvilinaŭ. Za hety čas Kołter musić znajści terarysta — inakš znoŭ atrymaje čužoje abličča.
Karcina Dunkana Džonza — šalny trymcieńnik biez tarmazoŭ.Detektyŭnaja intryha, zuchavata zakručanaja, paŭtaraje podźvihi «Dnia surka» — i dziorzka stavić pytańni pra čałaviečuju tojesnaść. Sonny «Pačatak», virtualnaja «Matryca», zubadrabilnyja bajeviki i kachańnie, vyratavanaje ŭ apošniuju chvilu — usio heta jość u filmie Džonza Dunkana.
Džejk Džylenhał, jaki pačynaŭ svaju karjeru fantazijnym «Doni Darka», impetna praciahvaje jaje — i prapanuje nam nie mienš zuchavatyja pryhody. Viera Farmiha — u vajennaj formie — pavyšaje staŭki ŭ žorstkaj hulni, kab prajavić niečakanuju čałaviečnaść.
Karcina paradaksalnaja. Adnyja ŭbačać fantastyčny bajavik ź niaŭciamnaj raźviazkaj, zanadta papaŭtorny dla siońniašniaha Halivudu. Druhich stužka začepić niečakanymi psichałahičnymi detalami i raptoŭnaj hłybinioj, što chavajecca za halivudskim maskaradam.
U vas tolki 8 chvilinaŭ, kab zrabić pravilny vybar.
Što za studentka Uljana, ź jakoj na bali valsiravaŭ Łukašenka?18
Kamientary